உச்சநீதிமன்ற தலைமை நீதிபதியாக சஞ்சீவ் கன்னா பதவியேற்பு

Supreme Court of India | உச்சநீதிமன்ற தலைமை நீதிபதியாக சஞ்சீவ் கன்னா இன்று பதவியேற்றார்.

ByDravidan Times Bureau

Published on: November 11, 2024 at 11:30 am

Supreme Court of India | உச்சநீதிமன்ற தலைமை நீதிபதியாக இருந்த டி.ஒய்.சந்திரசூட் நேற்று ஓய்வு பெற்றார். அடுத்த தலைமை நீதிபதியாக மிக மூத்த நீதிபதியான சஞ்சீவ் கன்னாவை அவர் சிபாரிசு செய்திருந்தார். சஞ்சீவ் கன்னா கடந்த 14 ஆண்டுகள் பல்வேறு உயர் நீதிமன்றங்களில் நீதிபதியாக பணியாற்றி உள்ளார். இந்நிலையில், புதிய தலைமை நீதிபதியாக சஞ்சீவ் கன்னாவை மத்திய அரசு கடந்த மாதம் 24 ஆம் தேதி நியமித்தது.

இதைத் தொடர்ந்து, உச்சநீதிமன்றத்தின் 51-வது தலைமை நீதிபதியாக சஞ்சீவ் கன்னா இன்று பதவியேற்றுக் கொண்டார். குடியரசுத் தலைவர் மாளிகையில் நடைபெற்ற இந்த விழாவில், குடியரசுத் தலைவர் திரவுபதி முர்மு அவருக்கு பதவிப்பிரமாணம் செய்து வைத்தார். சஞ்சீவ் கன்னா அடுத்த ஆண்டு (2025) மே 13-ந் தேதி வரை பதவியில் இருப்பார் என்று தெரிவிக்கப்பட்டுள்ளது.

துணை குடியரசுத் தலைவர் ஜெகதீப் தன்கர், பிரதமர் நரேந்திர மோடி, ஓய்வு பெற்ற நீதிபதி சந்திரசூட் உள்ளிட்டோர் பதவியேற்பு நிகழ்ச்சியில் கலந்து கொண்டனர்.

இதையும் படிங்க ‘யாரையாவது புண்படுத்தியிருந்தால் மன்னியுங்கள்’; ட்ரோல் பற்றி.. பிரிவுபசார விழாவில் டி.ஒய். சந்திரசூட்!