ஹெல்தியான கோவை ஸ்பெஷல் பச்சை பயறு குழம்பு செய்வது எப்படி?

How to make pachai payaru kulambu | உடலுக்கு ஆரோக்கியம் அளிக்கும் பச்சை பயறு குழம்பு எப்படி செய்ய வேண்டும் என்று தெரியுமா?

பச்சை பயறு குழம்பு

ByDravidan Times Bureau

Published on: November 11, 2024 at 11:07 am

Updated on: November 11, 2024 at 3:40 pm

How to make pachai payaru kulambu | உடலுக்கு ஆரோக்கியமான, ஹெல்தியான கோயம்புத்தூர் ஸ்பெஷல் பச்சை பயறு குழம்பு எப்படி செய்யலாம் என்று பார்க்கலாம்.

தேவையான பொருட்கள்

பச்சைப்பயறு – 100 கிராம்
மஞ்சள் தூள் -1/4 ஸ்பூன்
சீரகம் -1/4 ஸ்பூன்
பூண்டு -3 பல்லு
சின்ன வெங்காயம்-10
கருவேப்பிலை – 1கொத்து
தக்காளி -1
விளக்கெண்ணெய் -1 ஸ்பூன்
நெய் -2 டீஸ்பூன்

தாளிதம் தயாரிக்க

தேங்காய் எண்ணெய் -2 டேபிள்ஸ்பூன்
மல்லி விதை -1 ஸ்பூன்
சீரகம் -1/4
வர மிளகாய் -3
சின்ன வெங்காயம் – 10
பச்சை மிளகாய் -4
கருவேப்பிலை -1 கொத்து
உப்பு – தேவையான அளவு

செய்முறை

முதலில் பச்சை பயிரை நன்கு கழுவி சுத்தம் செய்து எடுத்துக்கொள்ள வேண்டும். ஒரு குக்கரில் பயரை சேர்த்து அடுப்பு தீயை லோ பிளேமில் வைத்து வறுக்க வேண்டும். பச்சை பயறு நல்ல வாசம் வந்து நிறம் மாறியதும் அதனுடன் ஒரு பங்கு பச்சை பயருக்கு இரண்டு பங்கு தண்ணீர் சேர்க்க வேண்டும்.

பின்னர் இதனுடன் மஞ்சள் தூள், சீரகம், சின்ன வெங்காயம், கருவேப்பிலை, தக்காளி மற்றும் விளக்கெண்ணெய் சேர்த்து குக்கரை மூடி போட்டு 6 விசில் வரும் வரை வேக விட வேண்டும். ஆவி முழுவதுமாக வெளியேறிய பின்னர் குக்கரை திறக்க வேண்டும். பயறு நன்கு வெந்து மசிந்து இருக்கும். கரண்டியை வைத்தே மசித்து விடலாம்.

பின்னர் ஒரு கடாயில் தேங்காய் எண்ணெய் சேர்த்து எண்ணெய் காய்ந்ததும் அதனுடன் மல்லி விதை, சீரகம், வரமிளகாய், சின்ன வெங்காயம், பச்சை மிளகாய், கருவேப்பிலை மற்றும் தேவையான அளவு உப்பு சேர்த்து வெங்காயம் பொன்னிறமாக வரும் வரை நன்கு வதக்க வேண்டும்.

வெங்காயம் நிறம் மாறியதும் இதனை ஏற்கனவே வேக வைத்த பச்சை பயறுடன் சேர்த்து கிளறி விட வேண்டும். இறுதியாக இதன் மீது நெய் சேர்த்து பரிமாறவும். இப்போது சுவையான, உடலுக்கு ஆரோக்கியம் அளிக்கக்கூடிய கோயமுத்தூர் ஸ்பெஷல் பச்சை பயறு குழம்பு தயார்.

இதையும் படிங்க : 100 கிராம் பன்னீர் போதும்.. ஹோட்டல் சுவையில் வெஜ் இறால் தொக்கு ரெடி!