How to make veg prawn thokku | வீட்டிலேயே வெஜ் இறால் தொக்கு செய்வது எப்படி தெரியுமா?
How to make veg prawn thokku | வீட்டிலேயே வெஜ் இறால் தொக்கு செய்வது எப்படி தெரியுமா?
Published on: November 7, 2024 at 7:28 am
How to make veg prawn thokku | குழந்தைகள் முதல் பெரியவர்கள் வரை அனைவரும் விரும்பி உண்ணக்கூடிய வெஜ் இறால் தொக்கு எப்படி செய்யலாம் என்று பார்க்கலாம்.
தேவையான பொருள்கள்
பன்னீர் -100 கிராம்
ஊற வைத்த கொண்டக்கடலை – 150 கிராம்
மிளகாய்த்தூள் -1/2 டீஸ்பூன்
கடலை மாவு -1 டேபிள் ஸ்பூன்
மைதா மாவு – 1 டேபிள் ஸ்பூன்
எண்ணெய் – தேவையான அளவு
பெரிய வெங்காயம் -2
தக்காளி -2
இஞ்சி பூண்டு பேஸ்ட்-1 டேபிள் ஸ்பூன்
உப்பு – தேவையான அளவு
மல்லித்தூள் -1 டேபிள்ஸ்பூன்
மிளகாய்த்தூள் -1/2 டேபிள் ஸ்பூன்
மஞ்சள் தூள் – சிறிதளவு
மிளகுத்தூள் -1/4 டீஸ்பூன்
செய்முறை
ஒரு மிக்ஸி ஜாரில் பன்னீர் மற்றும் ஊற வைத்த கொண்டக்கடலையை சேர்த்து தண்ணீர் சேர்க்காமல் மை போன்று அரைத்து எடுத்துக் கொள்ள வேண்டும். அரைத்த மாவுடன் மிளகாய் தூள் கடலை மாவு மற்றும் மைதா மாவு சேர்த்து சப்பாத்தி மாவு பதத்தில் தயார் செய்ய வேண்டும். மாவிலிருந்து சிறிய பகுதியை எடுத்து கைகளால் உருட்டி இறால் வடிவத்தில் தயார் செய்ய வேண்டும்.
ஒரு கடாயில் எண்ணெய் சேர்த்து எண்ணெய் காய்ந்ததும் தயார் செய்து வைத்த சைவ இறாலை சேர்த்து பொன்னிறமாக வறுத்து எடுக்க வேண்டும். அதே கடாயில் சைவ இறால் வறுத்தெடுத்த எண்ணையுடன் பொடியாக நறுக்கிய வெங்காயம் சேர்த்து வதக்க வேண்டும். வெங்காயம் நன்கு வதங்கி பொன்னிறமாக மாறிய பின் இதனுடன் சிறிய துண்டுகளாக நறுக்கிய தக்காளியை சேர்த்து வதக்க வேண்டும்.
பின்னர் இதனுடன் இஞ்சி பூண்டு விழுது மற்றும் தேவையான அளவு உப்பு சேர்த்து பச்சை வாடை நீங்கும் வரை வதக்க வேண்டும். பின்னர் இதனுடன் மல்லித்தூள், மிளகாய்த்தூள், மஞ்சள்தூள் மற்றும் மிளகுத்தூள் சேர்த்து இரண்டு நிமிடம் வதக்க வேண்டும். தேவைப்பட்டால் 1/4 டீஸ்பூன் கரம் மசாலா சேர்த்துக் கொள்ளலாம்.
மசாலா பொருட்களை சேர்க்கும் பொழுது அடுப்பு தீயை லோ ஃப்லேமில் வைக்க வேண்டும். பின்னர் மசாலாவுடன் கால் கப் தண்ணீர் சேர்த்து வதக்க வேண்டும். இதனுடன் பொரித்து எடுத்த சைவ இறாலை சேர்த்து மெதுவாக கிளறி விட வேண்டும். இறுதியாக கருவேப்பிலை கொத்தமல்லி சேர்த்து இறக்கவும். இப்போது காரசாரமான சுவையான சைவ இறால் தொக்கு தயார்.
இதையும் படிங்க : கொஞ்சூண்டு வேர்க்கடலை; கோவக்காய் பொரியல் இப்படி பண்ணுங்க!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
