தஞ்சாவூரில் ரூ.3 லட்சம் மதிப்பிலான 25 கிலோ கஞ்சா பறிமுதல்: 2 பேர் கைது

Thanjavur : தஞ்சாவூரில் ரூ.3 லட்சம் மதிப்பிலான 25 கிலோ கஞ்சா பறிமுதல் செய்யப்பட்டு, இரு பேர் கைது செய்யப்பட்டுள்ளனர்.

கஞ்சா கடத்திய இருவர் கைது

BySaranya JK

Published on: June 24, 2026 at 11:49 pm

தஞ்சாவூர், ஜுன் 24 2026: தஞ்சாவூர் மாவட்டத்தில் போதைப்பொருள் கடத்தல் மற்றும் விற்பனையை தடுக்கும் நடவடிக்கையின் ஒரு பகுதியாக போலீசார் தீவிர கண்காணிப்பில் ஈடுபட்டிருந்தனர். அப்போது சந்தேகத்திற்கிடமாகச் சென்ற வாகனத்தை போலீசார் வழிமறித்து சோதனை செய்தனர். சோதனையில் வாகனத்தில் சட்டவிரோதமாக கஞ்சா கடத்தப்பட்டு வந்தது கண்டுபிடிக்கப்பட்டது.

அதில் 25 கிலோ உயர்ரக கஞ்சா பறிமுதல் செய்யப்பட்டது. பறிமுதல் செய்யப்பட்ட கஞ்சாவின் மதிப்பு ரூ.3 லட்சம் என கணக்கிடப்பட்டுள்ளது. மேலும் கஞ்சா கடத்தலுக்கு பயன்படுத்தப்பட்ட வாகனமும் பறிமுதல் செய்யப்பட்டது. இந்த சம்பவம் தொடர்பாக 2 பேரை போலீசார் கைது செய்தனர். கைது செய்யப்பட்டவர்கள் திருச்சி மாவட்டத்தைச் சேர்ந்த கிரி (49) மற்றும் தர்மேந்திரன் (48) என போலீசார் தெரிவித்துள்ளனர்.

அவர்களிடம் நடத்தப்பட்ட முதற்கட்ட விசாரணையில், வெளிமாநிலங்களில் இருந்து கஞ்சாவை கொண்டு வந்து தஞ்சாவூர் மற்றும் சுற்றுவட்டார பகுதிகளில் விற்பனை செய்ய திட்டமிட்டிருந்தது தெரியவந்தது. இவர்களிடம் இருந்து கஞ்சா எவ்வாறு வந்தது, யாருக்கு விற்பனை செய்ய திட்டமிட்டனர் என்பதற்கான விசாரணை நடைபெற்று வருகிறது.

கைது செய்யப்பட்ட இருவருக்கும் எதிராக போதைப்பொருள் தடுப்பு சட்டத்தின் கீழ் வழக்குப்பதிவு செய்யப்பட்டுள்ளது. இருவரும் நீதிமன்றத்தில் ஆஜர்படுத்தப்பட்டு, தொடர்ந்து விசாரணை நடைபெறுகிறது. போலீசார், மாநிலம் முழுவதும் கஞ்சா கடத்தலை தடுக்கும் நடவடிக்கைகள் தீவிரமாக நடைபெற்று வருவதாக தெரிவித்துள்ளனர்.

இதையும் படிங்க த.வெ.க.வுக்கு ஏன் வாக்களித்தோம் என மக்கள் நினைக்கிறார்கள்.. மேயர் பிரியா