Gold Rate today in Chennai | சென்னையில் தங்கம் விலை சவரனுக்கு ரூ. 680 அதிகரித்து விற்பனையாகிறது.
Gold Rate today in Chennai | சென்னையில் தங்கம் விலை சவரனுக்கு ரூ. 680 அதிகரித்து விற்பனையாகிறது.
Published on: November 8, 2024 at 10:22 am
Gold Rate today in Chennai | சர்வதேச சந்தை நிலவரங்கள் காரணமாக தங்கம் விலையில் அதிரடி மாற்றம் ஏற்பட்டு வருகிறது. அதன் தொடர்ச்சியாக, தீபாவளி பண்டிகையையொட்டி தங்கம் விலை ரூ. 60 ஆயிரத்தை நெருங்கியது. இது நகை பிரியர்களுக்கு அதிர்ச்சியை ஏற்படுத்தியது. இந்நிலையில், கடந்த சில தினங்களாக தங்கம் விலை தொடர்நது சரிவை சந்தித்து. இது சற்று ஆறுதலை தரும் வகையில் இருந்த நிலையில், இன்று ஒரே நாளில் தங்கம் விலை சவரனுக்கு ரூ. 680 உயர்ந்துள்ளது.
சென்னையில் தங்கம் நேற்று கிராம் ரூ.7,200 க்கும், பவுன் ரூ. 57,600 க்கும் விற்பனையானது. இந்நிலையில், இன்று தங்கம் விலை கிராமுக்கு ரூ. 85 உயர்ந்து கிராம் ரூ. 7,285 ஆகவும் பவுன் ரூ. 58,280 ஆகவும் நிர்ணயிக்கப்பட்டுள்ளது. தூய தங்கத்தை பொறுத்தவரை கிராம் ரூ. 7,790 ஆகவும் பவுன் ரூ. 62,320ஆகவும் நிர்ணயிக்கப்பட்டுள்ளது.
வெள்ளி விலை
வெள்ளி விலையை பொருத்தவரை நேற்று கிராம் ரூ.102-க்கும் கிலோ வெள்ளி ரூ.102,000-க்கும் விற்பனையானது. இன்று வெள்ளி விலை கிராமுக்கு ரூ. 1 அதிகரித்து கிராம் ரூ.103 ஆகவும் கிலோ வெள்ளி ரூ.103,000 ஆகவும் நிர்ணயிக்கப்பட்டுள்ளது.
இதையும் படிங்க
மும்பை, ஜன.22, 2026: இண்டிகோ Q3 FY26 முடிவுகள், வருடாந்திர அடிப்படையில் 77.5% வீழ்ச்சியடைந்ததாகக் காட்டுகின்றன. இந்நிலையில், லாபம் ரூ.549 கோடியாக குறைந்துள்ளது.
தொழிலாளர் சட்டங்கள் மற்றும் டிசம்பர் மாத விமான சேவை இடையூறுகள் காரணமாக, ரூ.1,546 கோடி அளவிலான விசேஷச் செலவுகள் ஏற்பட்டன எனவும் குறிப்பிடப்பட்டுள்ளது.
மேலும், FY26 இரண்டாம் காலாண்டில், இண்டிகோ ரூ.2,582 கோடி இழப்பைச் சந்தித்திருந்தது. இந்நிறுவனம், நடப்பு காலாண்டில் லாபத்தில் பெரிய வீழ்ச்சியைச் சந்தித்தாலும், வருவாய் மிதமான அளவில் மீண்டு, வருடாந்திர அடிப்படையில் 6.1% வளர்ச்சி கண்டது.
மேலும், இண்டிகோவின் தாய் நிறுவனம், Q3 FY26-இல் ரூ.23,471 கோடி அளவிலான செயல்பாட்டு வருவாயை பதிவு செய்தது. அதன்படி, இன்டர்குளோப் ஏவியேஷன், Q3 FY25-இல் ரூ.22,110 கோடி மற்றும் Q2 FY26-இல் ரூ.18,555 கோடி செயல்பாட்டு வருவாயை பதிவு செய்திருந்தது.
2025 டிசம்பர் மாதத்தில், சுமார் 4,500 விமானங்கள் ரத்து செய்யப்பட்டதால், இண்டிகோ விமான நிறுவனம் மிகக் கடுமையான சேவை இடையூறுகளை எதிர்கொண்டது என்பது குறிப்பிடத்தக்கது.
இதையும் படிங்க: பட்ஜெட் 2026 எப்போது, எங்கு நேரலையில் பார்க்கலாம்?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
புதுடெல்லி, ஜன. 22 2026: நடிகர் விஜய் தலைமையில் 2024 ஆம் ஆண்டு பிப்ரவரியில் தொடங்கப்பட்ட தமிழக வெற்றிக் கழகம் முதல் முறையாக 2026 சட்டமன்றத் தேர்தலை எதிர்கொள்கிறது. விஜய் திமுக மற்றும் பாஜகவுடன் கூட்டணி இல்லை என்று அறிவித்துள்ள நிலையில், தமிழகத்தில் நான்கு முனை போட்டி நிலவுகிறது.
இந்நிலையில், தமிழக வெற்றிக் கழகத்திற்கு 2026 சட்டமன்றத் தேர்தலில் விசில் சின்னம் அதிகாரப்பூர்வமாக ஒதுக்கப்பட்டுள்ளது.
தவெக பதிவு செய்யப்பட்ட ஆனால் அங்கீகரிக்கப்படாத கட்சியாக இருப்பதால், 234 தொகுதிகளிலும் போட்டியிட ‘பொதுச் சின்னம்’ கோரி தேர்தல் ஆணையத்தில் விண்ணப்பித்தது. கட்சி சார்பில் விசில், ஆட்டோ, மட்டைப்பந்து, மடிக்கணினி, கப்பல், மைக்ரோஃபோன் உள்ளிட்ட 10 விருப்ப சின்னங்கள் அளிக்கப்பட்டிருந்தன. இந்நிலையில் இந்திய தேர்தல் ஆணையம் விசில் சின்னத்தை தவெகவுக்கு இன்று (ஜனவரி 22, 2026 ) ஒதுக்கீடு செய்தது.
விசில் சின்னத்தை விஜய் கோரிய நிலையில், அதே சின்னத்தை தேர்தல் ஆணையம் ஒதுக்கி உள்ளது குறிப்பிடத்தக்கது.
இதையும் படிங்க : சி.பி.ஐ விசாரணையை எதிர்கொள்ளும் விஜய்? குற்றப் பத்திரிகையில் பெயர்?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
புதுடெல்லி, ஜன.22, 2026: பாராளுமன்றத்தின் பட்ஜெட் கூட்டத் தொடர் ஜனவரி 28 ஆம் தேதி தொடங்குகிறது. நிர்மலா சீதாராமன் பாராளுமன்றத்தில் பட்ஜெட் தாக்கல் செய்கிறார்.
பட்ஜெட் 2026 எப்போது?
மத்திய நிதி அமைச்சர் நிர்மலா சீதாராமன் பிப்ரவரி 1 அன்று ஆண்டு பட்ஜெட்டை பாராளுமன்றத்தில் சமர்ப்பிக்க உள்ளார். இது அவரின் ஒன்பதாவது தொடர்ச்சியான பட்ஜெட் உரையாகும், மேலும் புதிய சாதனையாகும்.
பாராளுமன்றத்தின் பட்ஜெட் கூட்டத் தொடர் ஜனவரி 28 அன்று தொடங்குகிறது. அதே நாளில், குடியரசுத் தலைவர் திரௌபதி முர்மு இரு அவைகளையும் ஒரே நேரத்தில் உரையாற்றுவார். ஜனவரி 29 அன்று பொருளாதார ஆய்வு அறிக்கை சமர்ப்பிக்கப்படும்.
பிப்ரவரி 1 அன்று காலை 11:00 மணிக்கு, FY27 பட்ஜெட்டை நிதி அமைச்சர் பாராளுமன்றத்தில் சமர்ப்பிக்கத் தொடங்குவார்.
இதையும் படிங்க: கிரிப்டோ முதலீடுக்கு குறைந்த வரி.. வீட்டுக் கடன் சலுகை.. 2026 பட்ஜெட் எதிர்பார்ப்புகள்!
நேரலையாக பட்ஜெட்டை காண:
மேலும் பல தொலைக்காட்சி செய்தி சேனல்கள் நேரலையை ஒளிபரப்பும். சன்சத் டிவி, தூர்தர்ஷன் மற்றும் பத்திரிகைத் தகவல் அலுவலகம் (PIB) தங்களது யூடியூப் தளங்களில் நேரலை ஒளிபரப்பும். சமூக ஊடகங்கள் மூலமாகவும் புதுப்பிப்புகள் வழங்கப்படும்.
இதையும் படிங்க: பஜாஜ் ஃபைனான்ஸ் பங்குகள் கடும் வீழ்ச்சி.. இந்திய பங்குச் சந்தை 1 சதவீதம் வீழ்ச்சி!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
துபாய், ஜன.22, 2026: வங்கதேச கிரிக்கெட் வாரியம் வைத்திருந்த கோரிக்கையை சர்வதேச கிரிக்கெட் கவுன்சில் (ICC) நிராகரித்துள்ளது. இதனால், பங்களாதேஷ் அணியின் போட்டிகள் முன்கூட்டியே அறிவிக்கப்பட்ட அட்டவணைப்படி இந்தியாவில் நடைபெற உள்ளன. இது தொடர்பாக சர்வதேச கிரிக்கெட் கவுன்சில், “இந்தியாவில் நடைபெறும் போட்டி மைதானங்களில் வங்கதேச வீரர்கள், அதிகாரிகள் அல்லது ரசிகர்களின் பாதுகாப்புக்கு எந்த நம்பகமான அச்சுறுத்தலும் இல்லை.
வங்கதேச கிரிக்கெட் வாரியம் (BCB) கவலை தெரிவித்ததையடுத்து, இடங்களை மாற்ற வேண்டும் என கோரியதால், வீடியோ கான்பரன்ஸ் மூலம் நடைபெற்ற ஐசிசி குழு கூட்டத்தில் இந்த முடிவு எடுக்கப்பட்டது.
தற்போதைய சூழ்நிலையில் போட்டிகளை மாற்றுவது, ஐசிசி நிகழ்வுகளின் புனிதத்தன்மையை பாதிக்கக்கூடும் என்றும், உலகளாவிய நிர்வாக அமைப்பாக இருக்கும் ஐசிசியின் நடுநிலைத்தன்மையை குறைக்கக்கூடும் என்றும் குழு குறிப்பிடப்பட்டுள்ளது.
இதையும் படிங்க: இந்தோனேசியா மாஸ்டர்ஸ் போட்டி: பி.வி. சிந்து காலிறுதிக்கு முன்னேற்றம்
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
புதுடெல்லி, ஜன.22, 2026: இந்தோனேசியா மாஸ்டர்ஸ் பேட்மிண்டன் போட்டியில், இந்திய வீராங்கனை பி.வி. சிந்து மற்றும் இந்திய வீரர் லக்ஷ்யா சேன் காலிறுதிப் போட்டிக்கு தகுதி பெற்றுள்ளனர். பேட்மிண்டன் போட்டியில், இந்திய வீரர்கள் பி.வி. சிந்து மற்றும் லக்ஷ்யா சேன் வியாழக்கிழமை இந்தோனேசியா மாஸ்டர்ஸ் போட்டியின் காலிறுதிக்கு முன்னேற்றம் பெற்றுள்ளனர்.
ஆண்கள் ஒற்றையர் முன்-காலிறுதியில், லக்ஷ்யா சேன் ஹாங்காங்-சீனாவின் ஜேசன் குனாவனை 21-10, 21-11 என்ற கணக்கில் வெற்றி கொண்டார். பெண்கள் ஒற்றையர் முன்-காலிறுதியில், இரண்டு முறை ஒலிம்பிக் பதக்கம் வென்ற சிந்து, டென்மார்க்கின் லைன் ஹோஜ்மார்க் க்யார்ஃபெல்ட்டை 21-19, 21-18 என்ற கணக்கில் வீழ்த்தினார்.
அடுத்த சுற்றில், சிந்து போட்டியின் முதலிடம் பெற்ற வீராங்கனை மற்றும் உலக நான்காவது இடத்தில் உள்ள சீனாவின் சென் யூ ஃபெயை எதிர்கொள்ள உள்ளார் என்பது குறிப்பிடத்தக்கது.
இதையும் படிங்க: இந்திய மகளிர் கால்பந்து அணிக்கு புதிய பயிற்சியாளர்.. யார் இந்த அமீலியா வால்வெர்டே?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
