நடிகர் தர்ஷனுக்கு விரைவில் ஜாமின்? சுப்ரீம் கோர்ட் பரபரப்பு உத்தரவு!

Renukaswamy Case Bail Clause : நடிகர் தர்ஷனுக்கு விரைவில் ஜாமின் கிடைக்கலாம் என்ற தகவல் வெளியாகியுள்ளது.

நடிகர் தர்ஷன்

ByPushpa Gopinath

Published on: May 15, 2026 at 4:20 pm

பெங்களூரு, மே 15, 2026: சுப்ரீம் கோர்ட், நடிகர் தர்ஷன் தொடர்பான ரேணுகாசுவாமி கொலை வழக்கில், ஒரு ஆண்டுக்குள் விசாரணையில் குறிப்பிடத்தக்க முன்னேற்றம் இல்லாவிட்டால் அவர் ஜாமீன் கோரலாம் எனத் தெரிவித்துள்ளது. இந்த உத்தரவு, நீண்டகாலமாக தாமதமாக நடைபெறும் வழக்கை விரைவுபடுத்தும் நோக்கத்துடன் வழங்கப்பட்டுள்ளது. உச்ச நீதிமன்ற நீதிபதிகள் ஜே.பி. பார்டிவாலா, விஜய் பிஷ்னோய் ஆகியோர் இந்த உத்தரவை பிறப்பித்தார்கள். இந்த உத்தரவில், 60 முக்கிய சாட்சிகளை ஒரு ஆண்டுக்குள் விசாரிக்க வேண்டும் எனத் தெரிவிக்கப்பட்டுள்ளது.

மேலும், ஒரு ஆண்டுக்குள் விசாரணையில் முன்னேற்றம் இல்லாவிட்டால், தர்ஷன் புதிய ஜாமீன் மனு தாக்கல் செய்யலாம் எனவும் தெரிவிக்கப்பட்டுள்ளது. இந்த வழக்கில், நடிகர் தர்ஷனின் ரசிகரான 33 வயதான ரேணுகாசாமி கொல்லப்பட்டார். இந்த நிலையில், ரேணுகாசாமி நடிகை பவித்ரா கவுடாவுக்கு அவமதிப்பான செய்தி அனுப்பியதால், தர்ஷன் மற்றும் அவரது கூட்டாளர்கள் கடத்தி, கொலை செய்ததாக குற்றம் சாட்டப்பட்டுள்ளது.

இந்த வழக்கில், 272 பேரில் இதுவரை 10 பேர் மட்டுமே விசாரிக்கப்பட்டுள்ளனர். அதாவது, 2025 நவம்பர் மாதம் குற்றச்சாட்டுகள் பதிவு செய்யப்பட்டபோதும், 7 மாதங்களில் 10 சாட்சிகள் மட்டுமே விசாரிக்கப்பட்டுள்ளனர். இந்த நிலையில் சுப்ரீம் கோர்ட் இந்த உத்தரவை பிறப்பித்துள்ளது; இதற்கிடையில், தர்ஷன், சிறையில் அடிப்படை வசதிகள் மறுக்கப்படுவதாகக் குற்றஞ்சாட்டியுள்ளார்.

இதையும் படிங்க : திரையில் மோகன் லால் மகள்.. மாயக்குட்டி என வாழ்த்திய லாலேட்டன்!