விஜய் அமைச்சரவையில் வி.சி.க இடம்பெறுமா? தொல். திருமாவளவன் பதில்!

Thirumavalavan on TVK Offer : தமிழக வெற்றிக் கழக அமைச்சரவையில் இணைய தொல். திருமாவளவன் தலைமையிலான வி.சி.க கட்சிக்கு அழைப்பு விடுக்கப்பட்டுள்ளது.

தொல். திருமாவளவன்

ByPushpa Gopinath

Published on: May 20, 2026 at 5:34 pm

Updated on: May 20, 2026 at 5:35 pm

சென்னை, மே 20, 2026: தமிழ்நாடு முதலமைச்சர் சி. ஜோசப் விஜய் தலைமையிலான தமிழக வெற்றிக் கழக அரசில் இணையுமாறு விடுதலைச் சிறுத்தைகள் கட்சிக்கு மீண்டும் அழைப்பு விடுக்கப்பட்டுள்ளது. இந்நிலையில், கட்சித் தலைவர் தொல். திருமாவளவன் இதுகுறித்து தங்கள் கட்சியில் கலந்து ஆலோசித்து முடிவு எடுக்கப்படும் எனத் தெரிவித்துள்ளார்.

திருமாவளவனின் கருத்து

இது குறித்து பேசிய தொல். திருமாவளவன் எம்.பி., “தமிழக வெற்றிக் கழக அரசுக்கு விடுதலை சிறுத்தைகள் கட்சி அளிக்கும் ஆதரவு, பாஜக தலைமையிலான மத்திய அரசின் தலையீடுகளைத் தடுப்பதற்காகவே” என்றார். மேலும், “தமிழக வெற்றிக் கழக அமைச்சரவையில் இணையுமாறு மீண்டும் அழைப்பு விடுக்கப்பட்டது தொடர்பாக கட்சியில் விவாதிக்கப்படும்” எனவும் அவர் தெரிவித்தார்.

அ.தி.மு.க. நிலைப்பாடு

தொடர்ந்து, “தமிழக வெற்றிக் கழகத் தலைமை, அதிமுக அதிருப்தி எம்.எல்.ஏ-க்களை அமைச்சரவையில் சேர்க்கப்படமாட்டார்கள் என்று தன்னிடம் தெரிவித்தனர்” என்றும் தொல். திருமாவளவன் கூறினார். முன்னதாக, அவர்கள் சேர்க்கப்பட்டால் விடுதலை சிறுத்தைகள் கட்சி ஆதரவை மறுபரிசீலனை செய்வோம் என அவர் எச்சரித்திருந்தார்.

வி.சி.க நிலைப்பாடு என்ன?

முன்னதாக, மே 8ஆம் தேதி நடைபெற்ற வி.சி.க.வின் உயர்மட்டக் குழுக் கூட்டத்தில், பெரும்பான்மையான தலைவர்கள் அரசில் இணைய ஆதரவு தெரிவித்தனர். இதையடுத்து, மே 9ஆம் தேதி, கட்சி நிபந்தனையற்ற ஆதரவை தமிழக வெற்றிக் கழக அரசுக்கு வழங்க முடிவு செய்தது.

வி.சி.க.வை பொறுத்தமட்டில், அதிகாரப் பகிர்வு என்பது அக்கட்சியின் நீண்டகாலக் கோரிக்கையாக இருந்தாலும், திமுக தலைமையிலான கூட்டணியில் அது சாத்தியமாகவில்லை என்பது குறிப்பிடத்தக்கது.

இதையும் படிங்க : அயோத்திதாச பண்டிதரின் 181வது பிறந்தநாள்.. முதலமைச்சர் விஜய் மரியாதை!