இப்படியெல்லாம் செய்தால் பேச்சுவார்த்தை கிடையாது.. ஈரான் திட்டவட்டம்

Iran US talks : அமெரிக்கா தொடர்ந்து இப்படி நடந்தால் பேச்சுவார்த்தை கிடையாது என ஈரான் திட்டவட்டமாக தெரிவித்துள்ளார்.

ஈரான்- அமெரிக்கா பேச்சுவார்த்தை

ByPushpa Gopinath

Published on: July 7, 2026 at 4:56 pm

தெஹ்ரான், ஜூலை 7, 2026: அமெரிக்க அதிபர் டொனால்ட் டிரம்பின் கருத்துக்களைத் தொடர்ந்து, இறுதி ஒப்பந்தம் குறித்த பேச்சுவார்த்தைகளுக்காக வாஷிங்டனுடன் பேசுவதற்கு ஈரான் வெளியுறவு அமைச்சர் சையத் அப்பாஸ் அராக்சி திட்டவட்டமாக மறுத்துள்ளார். சமூக ஊடகப் பதிவு ஒன்றில், ஈரான் மற்றும் அமெரிக்கா இடையேயான புரிந்துணர்வு ஒப்பந்தத்தை மேற்கோள் காட்டி, வாஷிங்டன் தனது வாக்குறுதிகளை நிறைவேற்றும் வரை தெஹ்ரான் பேச்சுவார்த்தைகளை மீண்டும் தொடங்காது என்று அவர் தெரிவித்தார்.

முன்னதாக, அமெரிக்கா ஈரானுடன் ஒரு ஒப்பந்தத்தை உறுதி செய்யும் அல்லது “வேலையை முடித்துவிடும்” என்று அதிபர் டிரம்ப் கூறியிருந்தார். தேவைப்பட்டால், வாஷிங்டனால் ஈரானின் முக்கிய உள்கட்டமைப்பை முடக்க முடியும் என்றும் அவர் எச்சரித்தார். இந்தக் கருத்துக்களை ஈரான் வன்மையாகக் கண்டித்ததோடு, ஆர்மீனியாவில் உள்ள ஈரான் தூதரகமும் சமூக ஊடகப் பதிவு ஒன்றில் அமெரிக்காவை விமர்சித்தது.

ஈரான் வெளியுறவு அமைச்சரின் மறுப்பு, இரு நாடுகளுக்கிடையேயான உறவுகள் மீண்டும் பதற்றமடைந்துள்ளதை வெளிப்படுத்துகிறது. அமெரிக்காவின் அழுத்தம் மற்றும் எச்சரிக்கைகள், ஈரானின் அரசியல் நிலைப்பாட்டை மாற்றவில்லை. மாறாக, ஈரான் தனது உரிமைகள் மற்றும் சுயாட்சி குறித்த வலுவான நிலைப்பாட்டைத் தொடர்கிறது.

இதற்கிடையில், நாட்டின் முன்னாள் உச்ச தலைவரின் உடல் ஹெலிகாப்டர் மூலம் கோம் நகருக்கு கொண்டு வரப்பட்டதாக ஈரான் அரசு தொலைக்காட்சி செய்தி வெளியிட்டுள்ளது. இந்த நிகழ்வு, நாட்டின் அரசியல் சூழ்நிலைக்கு கூடுதல் கவனத்தை ஈர்த்துள்ளது.

இதையும் படிங்க : சீனாவில் பயங்கர நிலச்சரிவு… 16 பேரை மண்ணுக்குள் புதைத்த கனமழை!