2 நாள் பயணம்.. மலேசியா செல்கிறார் பிரதமர் நரேந்திர மோடி!

Narendra Modi: பிரதமர் நரேந்திர மோடி, 2 நாள் பயணமாக இன்று (பிப்.7, 2026) மலேசியா செல்கிறார்.

பிரதமர் நரேந்திர மோடி

ByPushpa Gopinath

Published on: February 7, 2026 at 11:01 am

புதுடெல்லி, பிப்.7, 2026: பிரதமர் நரேந்திர மோடி இன்று (சனிக்கிழமை) கோலாலம்பூருக்கு இரண்டு நாள் பயணத்தைத் தொடங்குகிறார். இந்தப் பயணத்தின்போது, இந்தியா- மலேசியா விரிவான மூலோபாய கூட்டாண்மையை ஆழப்படுத்துவது உள்ளிட்ட பல்வேறு விஷயங்கள் பேசப்பட உள்ளன.

இதற்கிடையில், பாரம்பரியத் துறைகளுக்கு அப்பால் ஈடுபாட்டை விரிவுபடுத்த இரு தரப்பினரும் முயற்சிப்பதால், வர்த்தகம் மற்றும் பொருளாதாரம், வளர்ந்து வரும் தொழில்நுட்பங்கள், எரிசக்தி மற்றும் கல்வி உள்ளிட்ட முக்கிய துறைகளில் ஒத்துழைப்பை வலுப்படுத்துவதில் இரு தரப்பினருக்கும் இடையேயான விவாதங்கள் கவனம் செலுத்தும் என்று மலேசியாவுக்கான இந்திய உயர் ஸ்தானிகர் பி.என். ரெட்டி கூறியுள்ளார்.

இதையும் படிங்க: 2004க்கு பிறகு முதல் முறை.. ஜனாதிபதி உரைக்கு பிரதமர் பதில் இல்லாமல் ஒப்புதல்!

மேலும், “இரு நாடுகளுக்கும் இடையிலான வலுவான மக்கள்-மக்கள் உறவுகளை பிரதிபலிக்கும் வகையில் ‘செலாமத் ததங் மோடி ஜி’ என்ற தலைப்பில் ஒரு பெரிய சமூக நிகழ்வுவும் கோலாலம்பூரில் நடைபெற உள்ளது. மலேசியா முழுவதிலுமிருந்து கலைஞர்களின் கலாச்சார நிகழ்ச்சிகளுடன் இந்த நிகழ்வு பெரும் பங்கேற்பைக் காணும் என்று எதிர்பார்க்கப்படுகிறது.

இந்தியா-மலேசியா உறவுகளில் வளர்ந்து வரும் நெருக்கத்தை எடுத்துக்காட்டும் வகையில், இந்த சமூக நிகழ்வில் பிரதமர் நரேந்திர மோடி மற்றும் மலேசிய பிரதமர் அன்வர் இப்ராஹிம் ஆகியோர் கூட்டாக உரையாற்றுவார்கள் என்பது குறிப்பிடத்தக்கது.

இதையும் படிங்க: சீக்கிய அமைச்சரை துரோகி என்ற ராகுல்.. நாடாளுமன்றத்தில் பரபரப்பு!