தாம்பரம்- திருச்சி, எழும்பூர்- மதுரை: சிறப்பு ரயில்கள் அறிவிப்பு!

Special Trains | தாம்பரம்- திருச்சி மற்றும் சென்னை எழும்பூர்-மதுரை இடையே சிறப்பு ரயில்கள் அறிவிக்கப்பட்டுள்ளன.

சிறப்பு ரயில்கள் அறிவிப்பு

Southern Railway announces Christmas special trains

ByDravidan Times Bureau

Published on: November 2, 2024 at 10:34 pm

Special Trains | பயணிகளின் கூடுதல் நெரிசலைக் குறைக்க தாம்பரம் – திருச்சி, சென்னை எழும்பூர் – மதுரை இடையே சிறப்பு ரயில்கள் இயக்கப்படும் என்று தெற்கு ரயில்வே தெரிவித்துள்ளது.
அதன்படி, “நவ 3ஆம் தேதி தாம்பரம் – திருச்சி இடையே முன்பதிவில்லா பெட்டிகள் கொண்ட சிறப்பு ரயில் இயக்கப்படும்; மறுமார்கத்தில் இந்த ரயில் அதே நாளில் இயக்கப்படும்” எனத் தெரிவிக்கப்பட்டுள்ளது.

அதேபோல், “நவ 3ஆம் தேதி சென்னை எழும்பூர் – மதுரை இடையே முன்பதிவில்லா பெட்டிகள் கொண்ட சிறப்பு ரயில் இயக்கப்படும்; மறுமார்கத்தில் இந்த ரயில் அதே நாளில் தாம்பரம் வரை இயக்கப்படும்” எனவும் தெரிவிக்கப்பட்டுள்ளது.

ரயில் எண் 06007 தாம்பரம் – திருச்சி மெமு முன்பதிவு செய்யப்படாத விரைவு சிறப்பு ரயில் நவம்பர் 3 ஆம் தேதி காலை 08.30 மணிக்கு தாம்பரத்தில் இருந்து செங்கல்பட்டு, மேல்மருவத்தூர், திண்டிவனம், விழுப்புரம், விருத்தாசலம் மற்றும் அரியலூர் வழியாகப் புறப்பட்டு அன்றைய தினம் மதியம் 1.40 மணிக்கு திருச்சி சென்றடையும்.

ரயில் எண் 06008 திருச்சி – தம்பரம் மெமு எக்ஸ்பிரஸ் நவம்பர் 3 ஆம் தேதி தஞ்சாவூர், நீடாமங்கலம், திருவாரூர், பேரளம், மயிலாடுதுறை, சீர்காழி, சிதம்பரம், பரங்கிப்பேட்டை, கடலூர், பண்ருட்டி, விழுப்புரம், திண்டிவனம், மேல்மருத்துவர் மற்றும் செங்கல்பட்டு ஆகிய வழித்தடங்கள் வழியே பயணித்து நவம்பர் 4 ஆம் தேதி காலை 06.10 மணிக்கு தாம்பரம் வந்தடையும்.

மேலும், ரயில் எண் 06099 சென்னை எழும்பூர் – மதுரை மெமு முன்பதிவில்லா எக்ஸ்பிரஸ் சிறப்பு ரயில் நவம்பர் 3ம் தேதி காலை 10.45 மணிக்கு சென்னை எழும்பூரில் இருந்து செங்கல்பட்டு, விழுப்புரம், விருத்தாசலம் அரியலூர், ஸ்ரீரங்கம், திருச்சி, மணப்பாறை, திண்டுக்கல், சோழவந்தான் வழியாக மாலை 6.30 மணிக்கு மதுரை சென்றடையும்.

மறுமார்க்கத்தில், ரயில் எண் 06100 மதுரை – தாம்பரம் மெமு முன்பதிவு செய்யப்படாத விரைவு சிறப்பு ரயில் நவம்பர் 3 ஆம் தேதி இரவு 7.15 மணிக்குப் புறப்பட்டு சோழவந்தான், திண்டுக்கல், மணப்பாறை, திருச்சி, ஸ்ரீரங்கம், அரியலூர், விருத்தாசலம், விழுப்புரம், செங்கல்பட்டு வழியாக நவம்பர் 4ஆம் தேதி 3.20 மணிக்கு தாம்பரம் சென்றடையும்.

இந்தத் தகவல்கள் தென்னக ரயில்வே விடுத்துள்ள செய்திக் குறிப்பில் தெரிவிக்கப்பட்டுள்ளன.

இதையும் படிங்க சென்னை திரும்ப இன்று முதல் சிறப்பு பேருந்து இயக்கம்