த.வெ.க.வில் இணையும் இசக்கி சுப்பையா? அடுத்த விக்கெட் காலி? பரபரக்கும் தமிழக அரசியல்

AIADMK MLA Isakki Subbiah : அ.தி.மு.க. எம்.எல்.ஏ இசக்கி சுப்பையா தமிழக வெற்றிக் கழகத்தில் இணைய வாய்ப்புகள் உள்ளதாக செய்திகள் வெளியாகியுள்ளன.

எடப்பாடி பழனிசாமியுடன் இசக்கி சுப்பையா

ByJayakrishnan R

Published on: May 26, 2026 at 12:34 pm

திருநெல்வேலி, மே 26, 2026: அம்பாசமுத்திரம் அதிமுக எம்.எல்.ஏ இசக்கி சுப்பையா இன்று தனது பதவியை ராஜிநாமா செய்து, தமிழக வெற்றிக் கழகத்தில் இணையவிருப்பதாக தகவல்கள் வெளியாகியுள்ளன. இதனால் அதிமுக தனது கோட்டையாகக் கருதப்பட்ட ஒரு முக்கிய தொகுதியை இழக்கும் நிலை உருவாகியுள்ளது.

அதிமுகவில் தொடரும் குழப்பம்

எடப்பாடி பழனிசாமி தலைமையில் அதிமுக சமீபத்தில் தேர்தல்களில் தோல்வியை சந்தித்துள்ளது. இதனால் தொண்டர்களிடையே அதிருப்தி அதிகரித்துள்ளதாக கூறப்படுகிறது. இதற்கிடையில், முன்னாள் அமைச்சர்கள் எஸ்.பி வேலுமணி, சி.வி சண்முகம் தலைமையில் புதிய அணிகள் உருவாகி, கட்சியில் உட்கட்சி பூசல் நிலவுகிறது.

ராஜிநாமா மற்றும் தவெக இணைவு

இதற்கிடையில், திங்கள்கிழமை (மே 25, 2026) மூன்று அதிமுக எம்.எல்.ஏக்கள் ராஜிநாமா செய்து தமிழக வெற்றிக் கழகம்-இல் இணைந்தனர்.

இதற்கிடையில், இன்று இன்று அம்பாசமுத்திரம் எம்.எல்.ஏ இசக்கி சுப்பையா தனது ஆதரவாளர்களுடன் தமிழக வெற்றிக் கழகத்தில் இணையவுள்ளார் என்ற தகவல் வெளியாகியுள்ளது.

அவர் முதலில் சபாநாயகரை சந்தித்து எம்.எல்.ஏ பதவியை ராஜிநாமா செய்ய உள்ளார். அம்பாசமுத்திரம் அதிமுகவின் வலுவான கோட்டையாக கருதப்படுகிறது.

மேலும், இசக்கி சுப்பையா, ஜெயலலிதா அமைச்சரவையில் சட்டத்துறை அமைச்சராக இருந்தவர். இதற்கிடையில், தற்போது அவர் தமிழக வெற்றிக் கழகத்தில் இணைந்தால், அதிமுக தனது முக்கிய ஆதிக்கத்தை இழக்கும் நிலை உருவாகும்.

எதிர்கால அரசியல் தாக்கம்

இதற்கிடையில், இசக்கி சுப்பையாவுடன் பல தொண்டர்கள் மற்றும் நிர்வாகிகள் செல்லத் தயாராக உள்ளனர். இதனால் அம்பாசமுத்திரத்தில் அதிமுக கூடாரம் காலியாகும் சூழல் உருவாகியுள்ளது. விரைவில் அங்கு இடைத்தேர்தல் நடைபெறும் வாய்ப்பு அதிகம் என்ற பேச்சும் எழுந்துள்ளது.

இதையும் படிங்க : நாடகம் ஆடுவது யார்? மு.க ஸ்டாலினுக்கு மாணிக்கம் தாகூர் கேள்வி!