இந்திய – ஈக்வடார் வெளியுறவு அமைச்சர்கள் சந்திப்பு: இருதரப்பு ஒத்துழைப்பு பேச்சுவார்த்தை

Ecuador FM India Visit : ஈக்வடார் வெளியுறவு அமைச்சர் கப்ரியேலா சோமர்ஃபெல்ட் ரோசெரோ மூன்று நாள் இந்திய பயணயமாக இன்று புதுடெல்லி வந்தார்.

இந்திய - ஈக்வடார் வெளியுறவு அமைச்சர்கள் சந்திப்பு

ByPushpa Gopinath

Published on: April 29, 2026 at 1:31 pm

புதுடெல்லி, ஏப். 29 2026: ஈக்வடார் வெளியுறவு அமைச்சர் கப்ரியேலா சோமர்ஃபெல்ட் ரோசெரோ மூன்று நாள் இந்திய பயணத்திற்காக இன்று காலை புதுடெல்லி வந்தார். இந்த பயணம் இரு நாடுகளுக்கிடையேயான இருதரப்பு உறவுகளை வலுப்படுத்துவதை நோக்கமாகக் கொண்டுள்ளது.

இந்நிலையில், இந்திய வெளியுறவுத்துறை அமைச்சர் டாக்டர் எஸ். ஜெய்சங்கர் இன்று ஈக்வடார் நாட்டின் வெளியுறவுத்துறை அமைச்சர் கப்ரியேலா சோமர்ஃபெல்டை சந்தித்து, வர்த்தகம், வேளாண்மை மற்றும் திறன் மேம்பாடு உள்ளிட்ட முக்கிய துறைகளில் ஒத்துழைப்பை மேம்படுத்துவது குறித்து ஆலோசனை நடத்தினார்.

இதுகுறித்து அவர் வெளியிட்டுள்ள பதிவில், இந்தியா தலைமையிலான சர்வதேச சூரிய கூட்டணி (ISA) மற்றும் சர்வதேச பெரிய புலிகள் கூட்டணி (IBCA)-யில் இணையும் செயல்முறையை தொடங்கிய ஈக்வடாரின் முடிவை அவர் வரவேற்றார். ஈக்வடார் ஏற்கனவே பேரிடர் எதிர்ப்பு உட்கட்டமைப்பு கூட்டணியின் உறுப்பினராக உள்ளது.

Welcome Ecuador’s decision to initiate the process for joining the India-led @isolaralliance, and @IBCA_official. Ecuador is already a member of @cdri_world. pic.twitter.com/kdBQ4ovCfr
— Dr. S. Jaishankar (@DrSJaishankar) April 29, 2026

மேலும், விரைவான தாக்கம் ஏற்படுத்தும் திட்டங்கள் (Quick Impact Projects) செயல்படுத்துவதற்கான நிதி ஒப்பந்தம் எட்டப்பட்டுள்ளதாகவும், இது இரு நாடுகளின் அபிவிருத்தி கூட்டுறவை ஆழப்படுத்தும் முக்கிய முன்னேற்றமாகும் எனவும் டாக்டர் ஜெய்சங்கர் தெரிவித்தார்.

விரைவு தாக்க திட்டங்கள் (Quick Impact Projects) செயல்படுத்துவதற்கான நிதி ஒதுக்கீடு தொடர்பாக ஒப்பந்தம் எட்டப்பட்டுள்ளதாகவும், இது இருநாடுகளுக்கிடையேயான வளர்ச்சி கூட்டாண்மையை மேலும் வலுப்படுத்தும் முக்கிய முன்னேற்றம் என்றும் தெரிவித்தார்.

இது வரும்காலங்களில் வலுவான ஒத்துழைப்பிற்கு வழிவகுத்து, இரு நாடுகளுக்கும் இடையிலான அரசியல் மற்றும் பொருளாதார ஈடுபாட்டை மேலும் அதிகரிக்கும் என்றும் எதிர்பார்க்கப்படுகிறது.

இதையும் படிங்க : மேற்குவங்க சட்டமன்றத் தேர்தல்.. 142 தொகுதிகளில் விறுவிறு வாக்குப்பதிவு