பத்தே நிமிஷத்தில் பருப்பு ரசம் இப்படி பண்ணுங்க!

How to make paruppu rasam | உடலுக்கு ஆரோக்கியமான எளிதில் செய்யக்கூடிய பருப்பு ரசம் இப்படி செஞ்சு பாருங்க.

பருப்பு ரசம்

ByDravidan Times Bureau

Published on: November 8, 2024 at 7:16 am

How to make paruppu rasam | எளிமையான மற்றும் உடலுக்கு ஆரோக்கியமான பருப்பு ரசம் எப்படி செய்யலாம் என்று பார்க்கலாம்.

தேவையான பொருள்கள்

வேகவைத்த பருப்பு – 5 டேபிள் ஸ்பூன்
சீரகம்-1 ஸ்பூன்
மிளகு -1 ஸ்பூன்
வர மிளகாய் – 4 ( காரத்துக்கு ஏற்ப )
பூண்டு – ஒரு கைப்பிடி அளவு
தக்காளி -2
கருவேப்பிலை- ஒரு கொத்து
கொத்தமல்லி – 1 கைப்பிடி அளவு
பெருங்காயத்தூள்- சிறிதளவு
புளி -1 பெரிய நெல்லிக்காய் அளவு
மஞ்சள் தூள் – சிறிதளவு

செய்முறை

ஒரு மிக்ஸி ஜாரில் மிளகு சீரகம் வரமிளகாய் பூண்டு சேர்த்து கொரகொரப்பாக அரைத்து எடுத்துக் கொள்ள வேண்டும். புளியை தண்ணீரில் ஊறவைத்து வடிகட்டி எடுத்துக் கொள்ள வேண்டும். வடிகட்டிய புளித்தண்ணீருடன் இரண்டு பழுத்த தக்காளியை சேர்த்து நன்கு பிசைந்து எடுத்துக்கொள்ள வேண்டும். பின்னர் ஒரு கடாயில் எண்ணெய் சேர்த்து எண்ணெய் காய்ந்ததும் அதில் கடுகு சேர்க்க வேண்டும்.

கடுகு பொரிந்ததும் அதனுடன் சிறிதளவு பெருங்காயம் மற்றும் கருவேப்பிலை சேர்த்து பொரிய விட வேண்டும். இதனுடன் கரைத்து வைத்த புளிக்கரைசலை சேர்த்து கிளறி விட வேண்டும். இப்போது ரசத்துக்கு தேவையான அளவு தண்ணீர் சேர்த்துக் கொள்ள வேண்டும். பின்னர் இதனுடன் வேகவைத்த பருப்பு மற்றும் மஞ்சள் தூள் சேர்த்து கலந்து விட வேண்டும்.

இவை ஒரு கொதி வந்ததும் இதனுடன் அரைத்து வைத்த மிளகு, சீரகம் விழுதினை சேர்த்து கலந்து விட வேண்டும். இதனுடன் ஒரு கைப்பிடி அளவு மல்லி தலையை சேர்த்து கலந்து விட வேண்டும். இறுதியாக ரசத்திற்கு தேவையான அளவு உப்பு சேர்த்து உப்பினை சரிபார்த்துக் கொள்ளவும். ரசம் நுரை பொங்கி தயார் நிலையில் வந்ததும் அடுப்பு தீயை ஆப் செய்யவும். இப்போது சுவையான பருப்பு ரசம் தயார்.

இதையும் படிங்க : 100 கிராம் பன்னீர் போதும்.. ஹோட்டல் சுவையில் வெஜ் இறால் தொக்கு ரெடி!