வக்ஃப் சொத்துக்களை மீட்க போராட்டம்.. வழக்கறிஞர் கொலை.. காங்கிரஸ் தலைவர் கைது!

Telangana Lawyer’s Murder : தெலங்கானாவில் வழக்கறிஞர் கொலை வழக்கில், மாநில காங்கிரஸ் கட்சியின் துணை தலைவர் அதிரடியாக கைது செய்யப்பட்டுள்ளார்.

வழக்கறிஞர் கொலை வழக்கில் காங்கிரஸ் தலைவர் கைது

BySaranya JK

Published on: May 30, 2026 at 6:35 pm

ஹைதராபாத், மே 30, 2026 : தெலங்கானா மாநிலத்தை உலுக்கிய வழக்கறிஞர் கொலை வழக்கில், காங்கிரஸ் தலைவர் முஜாஹித் ஆலம் கான் உட்பட ஏழு பேர் கைது செய்யப்பட்டுள்ளனர். இது பெரும் பரபரப்பை ஏற்படுத்தியுள்ளது.

மே 23, காலை 5.45 மணியளவில் ஹைதராபாத்-தில் உள்ள நம்பள்ளியில் வழக்கறிஞர் மொயிசுத்தீன் தனது தினசரி நீச்சல் பயிற்சிக்குப் பிறகு வாகனத்திற்குச் செல்லும் போது, வேகமாக வந்த மஹிந்திரா ஸ்கார்பியோ வாகனம் மோதி கடுமையாக காயமடைந்தார்.

இந்நிலையில், அவர் மருத்துவமனைக்கு கொண்டு செல்லப்பட்டாலும் உயிரிழந்தார். இந்த நிலையில் போலீசார் நடத்திய விசாரணையில், மலக் பேட் மற்றும் லக்டிகாபூல் பகுதிகளில் உள்ள வக்ஃப் சொத்துகள் தொடர்பான நீண்டகால நிலுவைத் தகராறு இருந்தது தெரியவந்தது.

இது தொடர்பாக புகார் அளிக்கப்பட்டதால் , வழக்கறிஞர் மொயிசுத்தீன் கொலை செய்யப்பட்டது தெரியவந்தது. இதையடுத்து போலீசார் இது தொடர்பாக வழக்குப்பதிவு செய்து, முஜாஹித் ஆலம் கானை கைது செய்து விசாரணை நடத்தி வருகின்றனர்.

இதையும் படிங்க : ஜம்மு காஷ்மீரில் பயங்கர காட்டுத் தீ.. பரபரப்பு வீடியோ காட்சிகள்!