2020 டெல்லி கலவரம்.. ஆம் ஆத்மி முன்னாள் கவுன்சிலர் குற்றவாளி.. நீதிமன்றம் தீர்ப்பு!

2020 Delhi riots: 2020-ஆம் ஆண்டு டெல்லி கலவரத்தின்போது நடைபெற்ற அங்கித் சர்மா கொலை வழக்கில் தாஹிர் உசைனை டெல்லி நீதிமன்றம் குற்றவாளி எனத் தீர்ப்பளித்தது.

தாஹிர் உசைன்

ByJayakrishnan R

Published on: July 14, 2026 at 4:29 pm

புதுடெல்லி, ஜீலை 14, 2026: 2020 ஆம் ஆண்டு பிப்ரவரி மாதத்தில் வடகிழக்கு டெல்லியில் வெடித்த கலவரத்தில் உளவுத்துறையைச் சேர்ந்த அதிகாரி அங்கித் சர்மா கொல்லப்பட்ட வழக்கில், ஆம் ஆத்மி கட்சியின் முன்னாள் கவுன்சிலர் தாஹிர் ஹுசைன் மற்றும் நான்கு பேர் குற்றவாளிகள் என டெல்லி நீதிமன்றம் தீர்ப்பளித்துள்ளது. ஹுசைன் உட்பட மொத்தம் 11 பேர் மீது வழக்கு தொடரப்பட்ட நிலையில், கூடுதல் அமர்வு நீதிபதி பிரவீன் சிங், அவர்களில் ஐந்து பேரை குற்றவாளிகள் என அறிவித்தார்.

நீதிமன்றம், பகைமையை வளர்த்தல், கலவரத்தில் ஈடுபடுதல், தாக்குதல் நடத்துதல், குற்றவியல் ரீதியாக வன்முறையைப் பயன்படுத்துதல் மற்றும் கொலை செய்தல் ஆகிய குற்றச்சாட்டுகளின் கீழ் தாஹிர் ஹுசைன் குற்றவாளி என கண்டறிந்தது. அங்கித் சர்மாவின் தந்தை ரவீந்தர் குமார் அளித்த புகாரின் அடிப்படையில் தயால்பூர் காவல் நிலையத்தில் பதிவு செய்யப்பட்ட முதல் தகவல் அறிக்கையின் (FIR) அடிப்படையில் இந்த வழக்கு விசாரணைக்கு வந்தது.

இந்த வழக்கில் பெயர் இடம்பெற்றதைத் தொடர்ந்து, ஆம் ஆத்மி கட்சியால் தாஹிர் ஹுசைன் இடைநீக்கம் செய்யப்பட்டார். 2020 பிப்ரவரி மாத கலவரத்தில் 53 பேர் உயிரிழந்தனர், பலர் காயமடைந்தனர் மற்றும் பல கோடி ரூபாய் மதிப்பிலான சொத்துக்கள் சேதமடைந்தன. இந்த கலவரம், டெல்லி நகரின் சமூக ஒற்றுமைக்கு பெரும் சவாலாக அமைந்தது.

மார்ச் 2023 இல், டெல்லி நீதிமன்றம் ஹுசைன் மற்றும் 10 பேருக்கு எதிராக குற்றச்சாட்டுகளைப் பதிவு செய்திருந்தது. அதனைத் தொடர்ந்து நடந்த விசாரணையில், நீதிமன்றம் தற்போது ஐந்து பேரை குற்றவாளிகள் என அறிவித்துள்ளது. இந்த தீர்ப்பு, கலவரத்தில் உயிரிழந்தவர்களின் குடும்பங்களுக்கு நீதி கிடைத்ததாகக் கருதப்படுகிறது.

இதையும் படிங்க : புனேயில் குப்பை மேடு சரிந்து 9 பேர் பலி… தனியார் நிறுவன அதிகாரிகள் மீது கொலை வழக்குபதிவு!