மேற்கு வங்க பா.ஜ.க முதல் சபாநாயகர்.. யார் இந்த ரதீந்திர போஸ்?

Rathindra Bose: மேற்கு வங்க சபாநாயகராக ரதீந்திர போஸ் தேர்வாகியுள்ளார்; இவர் கூச் பீகார் பகுதியை சேர்ந்தவர் ஆவார்.

ரதீந்திர போஸ்

BySaranya JK

Published on: May 15, 2026 at 2:50 pm

கொல்கத்தா, மே 15, 2026: பாஜக சார்பில் கோச் பீகார் தொகுதியைச் சேர்ந்த எம்.எல்.ஏ. ரதீந்திர போஸ், மே 15, 2026 அன்று மேற்கு வங்க சட்டசபையின் புதிய சபாநாயகராக ஒருமனதாக தேர்ந்தெடுக்கப்பட்டார். இதன் மூலம் சுதந்திரத்திற்குப் பிறகு வட வங்காளத்தைச் சேர்ந்தவர் முதன்முறையாக சபாநாயகர் பதவியை வகிக்கிறார்.

ரதீந்திர போஸ், கோச் பீஹார் தெற்கு தொகுதியில் 2026 தேர்தலில் வெற்றி பெற்றார். அவர் 23,284 வாக்குகள் வித்தியாசத்தில் திரிணாமூல் காங்கிரஸ் வேட்பாளர் அவிஜித் டே பவ்மிக்கை தோற்கடித்தார். இந்த நிலையில், சுதந்திரத்திற்குப் பிறகு வட வங்காளத்தைச் சேர்ந்த எவரும் சபாநாயகராக தேர்ந்தெடுக்கப்படாத நிலையில், அவர் முதலாவதாக அந்தப் பதவியை வகிக்கிறார்.

இதையும் படிங்க : ராகுல் காந்தியுடன் திருமணம்? காட்டுத் தீப் போல் பரவிய வதந்தி.. சந்திரமுகியாக மாறிய கங்கனா!

முன்னதாக, மேற்கு வங்க முதல்வர் சுவேந்து அதிகாரி அவரின் பெயரை சபாநாயகர் பதவிக்கு பரிந்துரைத்தார். இந்த நிலையில், இடைக்கால சபாநாயகர் தபாஸ் ராய் குரல் வாக்கெடுப்பை நடத்தி, 207 பாஜக எம்.எல்.ஏ.க்கள் ஆதரவு அளித்ததால், அவர் ஒருமனதாக தேர்ந்தெடுக்கப்பட்டார்.

எதிர்க்கட்சியான திரிணாமூல் காங்கிரஸ் வேட்பாளரை நிறுத்தாமல் விலகியதால், போட்டியின்றி அவர் சபாநாயகரானார். 65 வயதான ரதீந்திர போஸ் சார்ட்டர்ட் அக்கவுண்டண்ட் ஆவார். இவர் பாஜக மற்றும் ஆர்.எஸ்.எஸ் அமைப்புடன் மிக நெருக்கமானவர் ஆவார். இந்த நிலையில், ரதீந்திர போஸின் சபாநாயகர் பதவி, அந்தப் பிராந்தியத்திற்கு பாஜக அரசு அளிக்கும் அரசியல் அங்கீகாரம் எனக் கருதப்படுகிறது.

இதையும் படிங்க : நாட்டை உலுக்கிய பாலியல் வழக்கு.. 42 நாள் தேடலுக்கு பின் நிதா கான் கைது!