1991க்கு பிறகு வங்கதேசத்தில் முதல் ஆண் பிரதமர்.. இருண்ட இளவரசர்.. யார் இந்த தாரிக் ரஹ்மான்?

Bangladesh’s first male PM: வங்கதேச பொதுத்தேர்தலில் தாரிக் ரஹ்மான் கட்சி வெற்றி பெற்று ஆட்சியை கைப்பற்றியுள்ளது. இவர், வங்கதேச அரசியலில் இருண்ட இளவரசர் என்றே அழைக்கப்பட்டார்.

தாரிக் ரஹ்மான்

ByPushpa Gopinath

Published on: February 13, 2026 at 8:15 pm

Updated on: February 13, 2026 at 9:23 pm

டாக்கா, பிப்.13, 2026: ஷேக் ஹசீனா அரசாங்கத்தை மாணவர் எழுச்சி கவிழ்த்த பிறகு முதல் முறையாக டாக்காவில் நடந்த தேர்தலில், ஒரு காலத்தில் நாடுகடத்தப்பட்ட தாரிக் ரஹ்மான் தலைமையிலான வங்காளதேச தேசியவாதக் கட்சி (பி.என்.பி) மகத்தான வெற்றியைப் பெற்றது.

இதற்கிடையில், டாக்காவை தளமாகக் கொண்ட செய்தி நிறுவனமான தி டெய்லி ஸ்டார் படி, பி.என்.பி கட்சி மற்றும் அதன் கூட்டணிக் கட்சிகள் மூன்றில் இரண்டு பங்கு பெரும்பான்மையைப் பெற்றன எனத் தெரிவிக்கப்பட்டுள்ளது.
முன்னதாக, ஜூலை 2024 இல் நடந்த வன்முறை அப்போதைய பிரதமர் ஷேக் ஹசீனாவின் நீண்ட பதவிக்காலத்தை முடிவுக்குக் கொண்டு வந்து அவரை நாட்டை விட்டு வெளியேற நிர்பந்தித்தது.

இந்த நிலையில், வங்கதேச பொதுத் தேர்தல், தாரிக் ரஹ்மான் தலைமையிலான பிஎன்பிக்கு ஒரு பெரிய வெற்றியை அளித்துள்ளது. ரஹ்மான் மீண்டும் ஆட்சிக்கு வருவது ஒரு பெரிய கதை.
அவரை ‘இருண்ட இளவரசர்’ என்று அழைத்தார்கள். இவர், முன்னாள் ஜனாதிபதி ஜியாவுர் ரஹ்மான் மற்றும் முன்னாள் பிரதமர் கலீதா ஜியாவின் மகன் ஆவார். ஊழல் மற்றும் பணமோசடி குற்றச்சாட்டில் கைது செய்யப்பட்ட பின்னர் 2017 இல் இருண்ட அரசியல் மேகம் காரணமாக அவர் நாட்டை விட்டு வெளியேறினார்.

அவர் 17 ஆண்டுகள் நாடுகடத்தப்பட்டு, டிசம்பர் 2025 இல் அவரது தாயார் இறந்த பிறகுதான் திரும்பினார். ஹ்மானுக்கு ஒரு பெரிய கூட்டம் உற்சாக வரவேற்பு அளித்தது.
இந்நிலையில் அவர் வங்கதேச நாட்டின் பிரதமர் ஆக தேர்வாகியுள்ளார். அவரது கூட்டணி கட்சிகளும் மிகப்பெரிய அளவில் வெற்றியை பெற்றுள்ளன என்பது குறிப்பிடத்தக்கது.

இதையும் படிங்க: ரஷ்ய பல்கலைக்கழகத்தில் கத்தியால் தாக்குதல்.. 4 இந்தியர்கள் காயம்!