அண்ணாமலை தனிக்கட்சி தொடங்குகிறாரா? பரபரப்பு தகவல்கள்!

Annamalai Party Rumors : தமிழ்நாடு பா.ஜ.க முன்னாள் தலைவர் அண்ணாமலை தனிக்கட்சி தொடங்குகிறாரா? என்ற கேள்விக்கு வினோஜ் பி செல்வம் பதிலளித்துள்ளார்.

தமிழ்நாடு பா.ஜ.க முன்னாள் தலைவர் கு. அண்ணாமலை

ByJayakrishnan R

Published on: May 31, 2026 at 10:46 pm

சென்னை, மே 31, 2026: சென்னை, தமிழ்நாடு: பாஜக தலைவர் கே. அண்ணாமலை புதிய கட்சி தொடங்கப்போவதாக பரவி வரும் வதந்திகள் குறித்து பாஜக மாநிலச் செயலாளர் வினோஜ் பி. செல்வம் விளக்கம் அளித்துள்ளார்.

அதில் அவர், “பிரதமரின் மீது கொண்ட பற்றும், அவர் மீதான பெருமதிப்புமே அண்ணாமலை அரசியலில் இணையக் காரணமாக அமைந்தன. தற்போது பல வதந்திகள் பரவி வருவதை நாங்கள் காண்கிறோம். இந்த வதந்திகளுக்குப் பதிலளிக்க மிகவும் பொருத்தமான நபர் அண்ணாமலை மட்டுமே. இல்லையெனில், பிரதமரின் மீது அவர் கொண்டுள்ள பற்றையும், பெருமதிப்பையும் எவராலும் கேள்விக்குள்ளாக்க முடியாது” எனக் கூறினார்.

அவர் மேலும், “அண்ணாமலை அரசியலில் இணைந்தது பிரதமரின் மீது கொண்டுள்ள நம்பிக்கையாலும், அவரின் வழிகாட்டுதலாலும் தான். தற்போது பரவி வரும் வதந்திகள் குறித்து அவர் தானே விளக்கம் அளிப்பார். பாஜக மாநிலத் தலைமையகம் சார்பில் எந்தவிதமான சந்தேகமும் இல்லை. அண்ணாமலை மீது உள்ள பற்றும், பிரதமரின் மீது உள்ள மதிப்பும் எவராலும் குறைக்க முடியாது” என வலியுறுத்தினார்.

அண்ணாமலை தனிக்கட்சி

பாரதிய ஜனதா மீது அண்ணாமலை அதிருப்தியில் இருப்பதாகவும், அவர் தனிக்கட்சி தொடங்கப் போகிறார் என்றும் பல்வேறு அதிகாரப்பூர்வமற்ற தகவல்கள் ஊடகங்களில் வெளியாகி வருகின்றன.
இது தமிழக அரசியலில் பெரும் பரபரப்பை ஏற்படுத்தி வருகிறது என்பது குறிப்பிடத்தக்கது.

இதையும் படிங்க : பிரேமலதா பரபரப்பு.. துணை முதல்வர் பதவி தேமுதிகவுக்கு?