CM Vijay Letter: சென்னை மாநகராட்சி ஆணையருக்கு முதலமைச்சர் சி. ஜோசப் விஜய் முக்கிய கடிதம் எழுதியுள்ளார். பெண்கள் பாதுகாப்புக்கான சிசிடிவி கேமராக்கள், பேருந்து நிறுத்தங்கள் மேம்பாடு, விளையாட்டு வசதிகள் உள்ளிட்ட 7 முக்கிய திட்டங்களை விரைந்து செயல்படுத்துமாறு அவர் வலியுறுத்தியுள்ளார்.
Published on: July 14, 2026 at 6:03 pm
சென்னை, ஜூலை 14 2026: சென்னையின் அடிப்படை கட்டமைப்பு மற்றும் குடிமக்கள் வசதிகளை மேம்படுத்தும் நோக்கில், சென்னை மாநகராட்சி ஆணையருக்கு முதலமைச்சர் சி. ஜோசப் விஜய் முக்கிய கடிதம் எழுதியுள்ளார். பொதுமக்களின் அன்றாட வாழ்க்கையை நேரடியாக பாதிக்கும் பணிகளுக்கு முன்னுரிமை அளித்து, திட்டங்களை விரைவாக செயல்படுத்த வேண்டும் என்று அவர் வலியுறுத்தியுள்ளார்.
முதலமைச்சரின் கடிதத்தில், மொத்தம் 7 முக்கிய திட்டங்கள் இடம்பெற்றுள்ளன. பெண்களின் பாதுகாப்பை வலுப்படுத்த கண்காணிப்பு (CCTV) கேமராக்கள் அமைத்தல், பேருந்து நிறுத்தங்களை நவீனமயமாக்குதல், குழந்தைகள் மற்றும் இளைஞர்களுக்கான விளையாட்டு வசதிகளை மேம்படுத்துதல் உள்ளிட்ட பணிகளை விரைந்து நிறைவேற்றுமாறு அறிவுறுத்தப்பட்டுள்ளது.
மேற்கூறிய அனைத்துப் பணிகளையும் உடனடியாகத் தொடங்க வேண்டும் என்று முதலமைச்சர் விஜய் பரிந்துரைத்துள்ளார்.
மேலும், நகர்ப்புற உள்கட்டமைப்பை தரமானதாக மாற்றுவதுடன், சுகாதாரம், பாதுகாப்பு மற்றும் பொதுமக்கள் பயன்பாட்டு வசதிகளில் கண்கூடும் மாற்றத்தை ஏற்படுத்தும் வகையில் மாநகராட்சி அதிகாரிகள் ஒருங்கிணைந்து செயல்பட வேண்டும் என்றும் முதலமைச்சர் தெரிவித்துள்ளார். திட்டங்கள் காலக்கெடுவுக்குள் நிறைவேற்றப்படுவதையும் தொடர்ந்து கண்காணிக்குமாறும் அவர் வலியுறுத்தியுள்ளார்.
இதையும் படிங்க : “யாரையும் நாங்கள் அழைக்கவில்லை”… ‘குதிரை பேரம்’ குற்றச்சாட்டுக்கு அமைச்சர் நிர்மல்குமார் பதிலடி!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
