உத்தர பிரதேசத்தில் சிறுமிக்கு நேர்ந்த கொடூரம் ; ஒரு வாரத்திற்கு பின் வெளியான உண்மை

உத்தர பிரதேசத்தில் சிறுமி தற்கொலை முயற்சிக்கு காரணமான குற்றவாளிகளை போலீசார் தேடி வருகின்றனர்.

சிறுமி பாலியல் வன்கொடுமை

uttar pradesh girl assaulted and videotaped consumes toilet acid

ByDravidan Times Bureau

Published on: December 1, 2024 at 12:05 pm

UP Teen Girl sexually assaulted | உத்தர பிரதேச மாநிலம் பிலிபிட் மாவட்டத்தில் 17 வயது சிறுமி, ஒருவர் கடந்த மாதம் 23-ந்தேதி சாலையில் சென்று கொண்டிருந்தபோது அவரை 2 நபர்கள் கடத்திச் சென்றுள்ளனர். அவர்கள் சிறுமியை கூட்டு பாலியல் வன்கொடுமை செய்து இந்த செயலை வீடியோ எடுத்துள்ளனர். இது குறித்து வெளியில் கூறினால் வீடியோவை இணையத்தில் வெளியிட்டு விடுவதாக மிரட்டி உள்ளனர்.

இதனால் பயந்துபோன சிறுமி யாரிடமும் தெரிவிக்காமல் இருந்துள்ளார். இந்நிலையில், நேற்று முன்தினம் வீட்டில் கழிவறையில் இருந்த ஆசிட்டை குடித்துவிட்டார். சிறுமி உடனடியாக மீட்கப்பட்டு மருத்துவமனையில் அனுமதிக்கப்பட்டார்.

சிறுமி தற்போது மருத்துவமனையில் சிகிச்சை பெற்று வருகிறார். இந்நிலையில், தனக்கு நேர்ந்த வன்கொடுமை சம்பவம் குறித்து பெற்றோரிடம் கூறியுள்ளார். இது குறித்து சிறுமியின் பெற்றோர் போலீசில் புகார் அளித்தனர். புகாரின் அடிப்படையில் போலீசார் குற்றவாளிகள் 2 பேரை வலைவீசி தேடி வருகின்றனர்.

இதையும் படிங்க கர்நாடகா – கேரளா இடையே சிறப்பு ரயில் ; ஐயப்ப பக்தர்கள் நோட் பண்ணுங்க