இந்தியா கூட்டணிக்கு பூஸ்ட்; மகாராஷ்டிரா, ஜார்க்கண்டில் கெஜ்ரிவால் பரப்புரை: ஆம் ஆத்மி தகவல்!

Arvind Kejriwal | இந்தியா கூட்டணிக்கு பூஸ்ட்; மகாராஷ்டிரா, ஜார்க்கண்டில் கெஜ்ரிவால் பரப்புரை: ஆம் ஆத்மி தகவல்!

அரவிந்த் கெஜ்ரிவால்

AAP sources says Kejriwal to campaign for INDIA alliance parties

ByDravidan Times Bureau

Published on: October 24, 2024 at 9:34 pm

Arvind Kejriwal | மகாராஷ்டிரா மற்றும் ஜார்கண்ட் மாநிலங்களில் நடைபெறவுள்ள சட்டமன்றத் தேர்தலில் ஆம் ஆத்மி கட்சி (ஆம் ஆத்மி) தலைவர் அரவிந்த் கெஜ்ரிவால் இந்தியா கூட்டணி வேட்பாளர்களை ஆதரித்து பரப்புரை மேற்கொள்வார் என ஆம் ஆத்மி கட்சி வட்டாரங்கள் தெரிவித்தன.

இதில் குறிப்பாக, மகாராஷ்டிராவில் மகா விகாஸ் அகாடி (எம்விஏ) கூட்டாளிகளான உத்தவ் தாக்கரே தலைமையிலான சிவசேனா (யுபிடி) மற்றும் சரத் பவாரின் என்சிபி-எஸ்பி ஆகிய கட்சிகளுக்கு ஆதரவாக கெஜ்ரிவால் பரப்புரை மேற்கொள்வார் என கட்சி வட்டாரங்கள் தெரிவித்தன.

ஆம் ஆத்மி கட்சி, மக்களவைத் தேர்தலுக்கு முன்பு உருவாக்கப்பட்ட இந்தியா கூட்டணியின் ஓர் அங்கமாகும். இதற்கிடையில் ஜார்க்கண்டிலும் அரவிந்த் கெஜ்ரிவால் பரப்புரை மேற்கொள்வார் என்றும் பரப்புரை அட்டவணை பின்னர் அறிவிக்கப்படும் என்றும் கட்சி வட்டாரங்கள் தெரிவித்தன.

ஹரியானா தேர்தல் முடிவுகள்

முன்னதாக நடைபெற்ற ஹரியானா தேர்தலில் ஆம் ஆத்மி காங்கிரஸ் தனித்துப் போட்டியிட்டன. இந்த நிலையில், காங்கிரஸ் தோல்வியை தழுவியது. அரவிந்த் கெஜ்ரிவாலுக்கு ஒரு தொகுதி கூட கிடைக்கவில்லை என்பது குறிப்பிடத்தக்கது.

இதையும் படிங்க உத்தரப் பிரதேச இடைத்தேர்தல்: பின்வாங்கிய காங்கிரஸ்: சைக்கிள் சின்னத்தில் இந்தியா கூட்டணி போட்டி!