16 வயது சிறுமி பாலியல் வன்கொடுமை; 8 பேர் கைது, இருவர் தலைமறைவு!

Lucknow: உத்தரப் பிரதேசத்தின் காஸ்கஞ்சில் 16 வயது சிறுமியை பாலியல் பலாத்காரம் செய்ததாக 8 பேர் கைது செய்யப்பட்டனர். இந்த வழக்கில், 2 பேர் தலைமறைவாகியுள்ளனர்.

16 வயது சிறுமி பாலியல் வன்கொடுமை

16 year old girl gang raped in UPs Kasganj

ByDravidan Times Bureau

Published on: April 14, 2025 at 5:39 pm

Updated on: April 14, 2025 at 5:40 pm

லக்னோ, ஏப்.14 2025: உத்தரப் பிரதேச மாநிலத்தின் காஸ்கஞ்சில், ஞாயிற்றுக்கிழமை (ஏப்.13 2025) 16 வயது சிறுமி கூட்டு பாலியல் வன்கொடுமைக்கு ஆளாக்கப்பட்டார். அவர் தனது வருங்கால கணவருடன் கால்வாய் அருகே வயலில் அமர்ந்திருந்தபோது கூட்டு பாலியல் வன்கொடுமை செய்யப்பட்டார். இந்த வழக்கில், எட்டு பேரை கைது செய்ததாக காவல்துறை தெரிவித்துள்ளது.

இவர்கள் மீது பாரதிய நியாய சன்ஹிதா (பிஎன்எஸ்) பிரிவுகளின் கீழ் கூட்டு பாலியல் வன்கொடுமை, மிரட்டல் மற்றும் குற்றவியல் மிரட்டல் ஆகிய பிரிவுகளின் கீழ் வழக்குப்பதிவு செய்யப்பட்டுள்ளது.

இந்த வழக்கில் மொத்தம் 10 பேர் மீது வழக்குப்பதிவு செய்யப்பட்டுள்ளது. இந்தச் சம்பவம் குறித்து, காஸ்கஞ்ச் காவல் கண்காணிப்பாளர் அங்கிதா சர்மா கூறுகையில், “ஒரு பெண் தனது வருங்கால கணவருடன் வயலில் உள்ள ஒரு கால்வாயில் அமர்ந்திருந்தபோது இந்தச் சம்பவம் நடந்துள்ளது.

இவர்கள் தனியாக இருப்பதைக் கண்ட சிலர் அவரை பாலியல் வன்கொடுமை செய்தனர். அவரது வருங்கால கணவரிடமிருந்து சிறிது பணத்தையும் பறித்துச் சென்றனர்” என்றார்.

இந்த சம்பவம் ஏப்ரல் 10 ஆம் தேதி பிற்பகல் 2.30 மணியளவில் நடந்துள்ளது. இந்நிலையில், சிறுமியை பாலியல் பலாத்காரம் செய்ததாகக் கூறப்படும் ஐந்து பேர் சனிக்கிழமை (ஏப்.12 2025) கைது செய்யப்பட்டனர்.

மேலும், மூன்று பேர் ஞாயிற்றுக்கிழமையும் கைது செய்யப்பட்டனர். இரண்டு பேரை தேடும் பணிகள் தற்போதுவரை நடைபெற்று வருகிறது என்று காஸ்கஞ்ச் போலீசார் தெரிவித்தனர்.

இதையும் படிங்க : இரண்டு சிறுமிகளுக்கு பாலியல் தொல்லை.. போக்சோ வழக்கு.. தலைமறைவு பாதிரியார் ஜான் ஜெபராஜ் கைது!