Good Bad Ugly box office day 4: அஜித் குமார் நடித்துள்ள குட் பேட் அக்லி படம் உலகளவில் ரூ.150 கோடி வசூலித்து, அதிகம் பார்க்கப்பட்ட படங்களின் பட்டியலில் 4வது இடத்தைப் பிடித்துள்ளது.
Good Bad Ugly box office day 4: அஜித் குமார் நடித்துள்ள குட் பேட் அக்லி படம் உலகளவில் ரூ.150 கோடி வசூலித்து, அதிகம் பார்க்கப்பட்ட படங்களின் பட்டியலில் 4வது இடத்தைப் பிடித்துள்ளது.
Published on: April 14, 2025 at 5:25 pm
சென்னை, ஏப்.14 2025: தமிழ் சினிமாவின் உச்ச நட்சத்திரங்களில் ஒருவரான அஜித் குமார் பெரும்பாலும் மசாலா படங்களை விரும்பமாட்டார். ஆகவே, அவரின் பெரும்பாலான படங்களில் மசாலா குறைவாகவும், மெசேஸ் அதிகமாகவும் இருக்கும்.
கிட்டத்தட்ட கடந்த 15 ஆண்டுகளுக்கும் மேலாக அவர் இம்மாதிரியான படங்களில் கவனம் செலுத்தி வந்தார். இந்த நிலையில், கிட்டத்தட்ட 10 ஆண்டுகளுக்கு பின்னர் தனது நட்சத்திர அந்தஸ்தை கொண்டாடும் ஒரு படத்தில் நடித்துள்ளார்.
குட் பேட் அக்லி என்ற இந்தத் திரைப்படம் அவரது திரைப்பட வரலாறு பற்றிய குறிப்புகளால் நிரம்பியுள்ளது. மேலும், இயக்குனர் ஆதிக் ரவிச்சந்திரனின் இப்படம், வசூலிலும் சரியான பாதையில் பயணிக்கிறது.
இந்த நிலையில், ஞாயிற்றுக்கிழமை (ஏப்.13 2025) குட் பேட் அக்லி உள்நாட்டு சந்தையில் ரூ.20.5 கோடி (நிகரம்) வசூலித்ததாக வர்த்தக வலைத்தளமான சாக்னில்க் தெரிவித்துள்ளது.
அந்த வகையில், குட் பேட் அக்லியின் உள்நாட்டு வசூல் ரூ.84.50 கோடியை எட்டியுள்ளது. மேலும் ஏற்கனவே உலகளாவிய பாக்ஸ் ஆபிஸில் ரூ.150 கோடி கிளப்பில் நுழைந்துள்ளது. காம்ஸ்கோரின் கூற்றுப்படி, இந்த படம் உலகளாவிய பாக்ஸ் ஆபிஸ் தரவரிசையில் நான்காவது இடத்தில் உள்ளது, மேலும் டிராப், வார்ஃபேர், எ வொர்க்கிங் மேன் மற்றும் டிஸ்னியின் ஸ்னோ ஒயிட் போன்ற படங்களை முந்தியுள்ளது.
மேலும், இந்தப் படத்தின் பெரும்பாலான வசூல் படத்தின் தமிழ் பதிப்பிலிருந்து வருகிறது. தெலுங்கு பதிப்பு வெறும் 18.43% ஆக்கிரமிப்புடன் பெரிய தாக்கத்தை ஏற்படுத்தவில்லை. இதற்கிடையில், அஜித்தின் அடுத்த படம் குறித்து அதிகாரப்பூர்வ அறிவிப்பு எதுவும் இல்லை என்றாலும், குட் பேட் அக்லி இயக்குனர் ஆதிக்குடன் மீண்டும் இணைவார் என்று தகவல்கள் வந்துள்ளன.
மேலும், கார்த்திக் சுப்பராஜ், பிரசாந்த் நீல் மற்றும் சிவா போன்ற இயக்குனர்களுடன் அவர் பணியாற்றக் கூடும் என்றும் யூகங்கள் வெளியாகி வருகின்றன. இந்த நிலையில், அஜித் குமார் குழு தனது அடுத்த படம் குறித்த அறிவிப்பை விரைவில் பகிர்ந்துக் கொள்ளும் எனத் தெரிகிறது.
இதையும் படிங்க : நடிகர் சல்மான் கானுக்கு கொலை மிரட்டல்: மும்பை போலீஸ் வழக்குப்பதிவு!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
