How to make semiya biryani | குழந்தைகளுக்கு பிடித்த சேமியா பிரியாணி இப்படி பண்ணுங்க.
How to make semiya biryani | குழந்தைகளுக்கு பிடித்த சேமியா பிரியாணி இப்படி பண்ணுங்க.
Published on: November 30, 2024 at 1:14 pm
How to make semiya biryani | குழந்தைகள் முதல் பெரியவர்கள் வரை அனைவரும் விரும்பி உண்ணக்கூடிய சுவையான சேமியா பிரியாணி எப்படி செய்யலாம் என்று பார்க்கலாம்.
தேவையான பொருட்கள்
சேமியா – 300 கிராம்
நெய் -2 டேபிள் ஸ்பூன்
எண்ணெய் – 1 டீஸ்பூன்
பட்டை – 1 துண்டு
கிராம்பு -2
ஏலக்காய் -2
நட்சத்திர சோம்பு -1
பெரிய வெங்காயம் -2
தக்காளி -2
கொத்தமல்லி இலை – சிறிதளவு
புதினா இலை – சிறிதளவு
பச்சை மிளகாய் -2
மிளகாய் தூள் -1 டீஸ்பூன்
மல்லித்தூள்- ½ டீஸ்பூன்
மிளகுத்தூள் -½ டீஸ்பூன்
இஞ்சி பூண்டு விழுது -½ டீஸ்பூன்
கரம் மசாலா -½ டீஸ்பூன்
உப்பு – தேவையான அளவு
தண்ணீர் – தேவையான அளவு
தயிர் – 2 டேபிள்ஸ்பூன்
செய்முறை
ஒரு கடாயில் சேமியாவை சேர்த்து பொன்னிறமாக வரும் வரை வறுத்து எடுத்துக் கொள்ள வேண்டும். ஒரு பாத்திரத்தில் நெய் மற்றும் எண்ணெய் சேர்க்க வேண்டும். எண்ணெய் காய்ந்ததும் அதில் பட்டை, கிராம்பு, ஏலக்காய், நட்சத்திர சோம்பு சேர்த்து வறுக்க வேண்டும். பின்னர் இதனுடன் நீள வாக்கில் மெலிதாக நறுக்கிய வெங்காயம் சேர்த்து பொன்னிறமாக வரும் வரை வதக்கவும்.
இதனுடன் உப்பு சேர்த்து வதக்கும் பொழுது வெங்காயம் வேகமாக வதங்கும். இதனுடன் தக்காளி சேர்த்து தக்காளி நன்கு மசியும் வரை வேக விட வேண்டும். பின்னர் இதனுடன் கொத்தமல்லி இலை, புதினா இலை, பச்சை மிளகாய் சேர்த்து வதக்கவும். இவை வதங்கியதும் இதனுடன் மிளகாய்த்தூள் மல்லித்தூள், மிளகுத்தூள், இஞ்சி பூண்டு விழுது மற்றும் கரம் மசாலா சேர்த்து மசாலாவின் பச்சை வாடை நீங்கும் வரை நன்கு வதக்க வேண்டும்.
இதனுடன் தயிர் சேர்த்து நன்கு கிளறி விட வேண்டும். இதனுடன் காய்கறிகள் அல்லது சிக்கன், மட்டன் இருந்தாலும் சேர்த்துக் கொள்ளலாம். சிக்கன், மட்டன் சேர்ப்பதாக இருந்தால் அவித்த பின்னர் சேர்த்துக் கொள்ளவும். பின்னர் இதனுடன் தேவையான அளவு தண்ணீர் சேர்த்து கொதிக்க விட வேண்டும். ஒரு கப் சேமியாவுக்கு ஒரு கப் தண்ணீர் சேர்க்க வேண்டும்.
பின்னர் இதனுடன் சேமியாவே சேர்த்து நன்கு கலந்து விட வேண்டும். சேமியா நீருடன் சேர்ந்து வெந்து வந்த பின்னர் மூடி போட்டு அடுப்பு தீயை லோ பிளேமில் வைத்து தம் போட வேண்டும். சேமியா சரியான பக்குவத்தில் வெந்த பின்னர் பரிமாறவும். இப்போது சுவையான சேமியா பிரியாணி தயார்.
இதையும் படிங்க : சுவையான நாட்டுக் கோழிக் குழம்பு; கிராமத்து ஸ்டைலில் இப்படி பண்ணுங்க!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
