தோஷங்கள் நீக்கும் கார்த்திகை; சிவ பெருமானில் அருள் கிடைக்க செய்ய வேண்டியது என்ன?

Karthika Deepam 2024 | கார்த்திகை மாத சிறப்புகளை தெரிந்து கொள்ளுங்கள்.

கார்த்திகை மாத சிறப்புகள்

What should be done to obtain the grace of Lord Shiva on the day of Karthika, which removes evils

ByDravidan Times Bureau

Published on: November 30, 2024 at 1:46 pm

Karthika Deepam 2024 | கார்த்திகை மாதத்தில் வீடுகள் மற்றும் கோவில்களில் விளக்கு ஏற்றி வழிபடுவது வழக்கம். இவ்வாறு வழிபடுவதால் வாழ்க்கை ஒளிமயமாகும் என்பது நம்பிக்கை. கார்த்திகை மாதம் ஏராளமான சிறப்புகளை கொண்டுள்ளது. கார்த்திகை மாதத்தில் திருமணங்கள் அதிகமாக நடைபெறுவதால் கார்த்திகை மாதத்தை திருமண மாதம் என்றும் அழைப்பர். கார்த்திகை மாதத்தில் வரும் பஞ்சமி தினத்தன்று நாக தோஷம் நிவர்த்தி செய்வதற்கு உகந்த நாள் என்பதால் இம்மாதத்தை தோஷங்கள் நீக்கும் மாதம் என்றும் கூறுவர்.

கார்த்திகை மாதத்தில் மாமிசம், மது, புகை முதலானவைகளை விடுத்து விரதம் இருப்பவர்கள் சகல பாவங்களிலிருந்தும் விடுபட்டு விஷ்ணு பாதத்தை அடைவார்கள். ஒவ்வொரு கார்த்திகை மாதமும் கார்த்திகை நட்சத்திர நாளில் முருகன் கோவிலில் விசேஷ வழிபாடு மற்றும் அன்னதானம் நடைபெறும். இதில் கலந்து கொள்பவர்களுக்கு தீராத நோயும் தீரும் என்பது ஐதீகம்.

கார்த்திகை மாதம் முழுவதும் சூரிய உதயத்தின் போது நீராடுபவர்கள் சகல புண்ணிய தீர்த்தங்களிலும் நீராடிய புண்ணிய பலனை பெறுவார்கள். முப்பிறவியில் செய்த பாவம் அகல கார்த்திகை மாதம் பௌர்ணமி வெள்ளிக்கிழமை அன்று பெருமானை வணங்கினால் பாவம் நிவர்த்தி ஆகும் என்று நம்பப்படுகிறது. மேலும் கார்த்திகை மாதம் விளக்குகள் தானம் செய்தால் பிரம்மஹத்தி தோஷம் நீங்கும்.

மேலும் கார்த்திகை மாதம் வரும் ஒவ்வொரு ஞாயிற்று கிழமையும் விரதம் கடைபிடிக்கும் பொழுது நவகிரகத்தால் ஏற்படும் தோஷங்கள் நீங்கி சிவபெருமானின் அருள் கிடைக்கும். விளக்கேற்ற உகந்த மாதம் கார்த்திகை மாதம் கார்த்திகை மாதம் முழுவதும் விளக்கேற்ற முடியவில்லை என்றாலும் துவாதர்ஷி, சதுர்தர்ஷி, பௌர்ணமி ஆகிய நாட்களில் கண்டிப்பாக விளக்கு ஏற்ற வேண்டும்.

முக்கியமாக கார்த்திகை மாத பௌர்ணமியில் கிரிவலம் செல்வது நன்மை பயக்கும். கார்த்திகை மாதத்தில் சிவலிங்கத்தை நெய்யினால் அபிஷேகம் செய்து வில்வம் மற்றும் மரிக்கொழுந்தால் அர்ச்சனை செய்து வழிபட்டால் குடும்பத்தில் மகிழ்ச்சி பொங்கும். கார்த்திகைத் தீபத் திருநாளன்று தீபங்கள் ஏற்றி முருக பெருமானை வழிபடுவது சிறந்தது.

இதையும் படிங்க கன்னியாகுமரியில் அற்புதம் செய்யும் மாயம்மா; எங்கிருந்து வந்தவர் தெரியுமா?