How to make Nattu kozhi kulambu | எல்லோரும் விரும்பி உண்ணக்கூடிய சுவையான நாட்டுக்கோழி குழம்பு இப்படி பண்ணுங்க.
How to make Nattu kozhi kulambu | எல்லோரும் விரும்பி உண்ணக்கூடிய சுவையான நாட்டுக்கோழி குழம்பு இப்படி பண்ணுங்க.
Published on: November 4, 2024 at 7:52 am
Updated on: November 9, 2024 at 7:31 am
How to make Nattu kozhi kulambu | சுவையான நாட்டுக்கோழி குழம்பு எப்படி செய்யலாம் என்று பார்க்கலாம்.
தேவையான பொருள்கள்
நாட்டுக்கோழி -3/4 கிலோ
சோம்பு – 1 டீஸ்பூன்
சீரகம் – 1 டீஸ்பூன்
மிளகு – 1 1/2 டீஸ்பூன்
இஞ்சி – 1 துண்டு
பூண்டு – ஒரு கைப்பிடி அளவு
கொத்தமல்லி இலை – 1 கைப்பிடி அளவு
புதினா இலை – ஒரு கைப்பிடி அளவு
நல்லெண்ணெய் – 4 டேபிள் ஸ்பூன்
பட்டை -1
கிராம்பு -4
ஏலக்காய் தூள் – சிறிதளவு
சின்ன வெங்காயம் -100 கிராம்
உப்பு -1/2 டீஸ்பூன்
தக்காளி -1
கருவேப்பிலை -1 கொத்து
மல்லித்தூள் -2 டேபிள் ஸ்பூன்
காஷ்மீரி மிளகாய் தூள் -1 டேபிள் ஸ்பூன்
மஞ்சள் தூள் – 1/4
தண்ணீர் -2 கப்
கெட்டியான தேங்காய்ப்பால் -1/2 கப்
செய்முறை
ஒரு மிக்ஸி ஜாரில் சோம்பு, சீரகம், மிளகு, இஞ்சி, பூண்டு, கொத்தமல்லி இலை மற்றும் புதினா இலை சேர்த்து நன்கு அரைத்து எடுத்துக் கொள்ள வேண்டும். பின்னர் ஒரு குக்கரில் நல்லெண்ணெய் சேர்த்து எண்ணெய் காய்ந்தது அதனுடன் பட்டை, கிராம்பு, கறிவேப்பிலை மற்றும் ஏலக்காய் தூள் சேர்க்க வேண்டும். ஏலக்காய் தூள் இல்லையென்றால் இரண்டு ஏலக்காய் சேர்த்துக் கொள்ளலாம்.
தாளிதம் பொறிந்ததும் இதனுடன் பொடியாக நறுக்கிய சிறிய வெங்காயத்தை சேர்த்து வதக்க வேண்டும். வெங்காயம் நன்கு வதங்கியதும் இதனுடன் ஒரு தக்காளியை சேர்த்து வதக்க வேண்டும். பின்னர் ஏற்கனவே அரைத்த விழுதினை இதனுடன் சேர்த்து பச்சை வாடை நீங்கும் வரை நன்கு வதக்க வேண்டும். இதனுடன் மஞ்சள் தூள், உப்பு போட்டு கழுவி சுத்தம் செய்து எடுத்த நாட்டுக்கோழி துண்டுகளை சேர்த்துக் நன்கு கிளறி விட வேண்டும்.
இதனுடன் மல்லித்தூள், காஷ்மீர் மிளகாய்த்தூள், மஞ்சள் தூள் மற்றும் தேவையான அளவு தண்ணீர் சேர்த்து கிளறி விட வேண்டும். தண்ணீர் சேர்ந்த பின்னர் நன்கு கிளறி விட்டு குக்கரை மூடி போட்டு மூட வேண்டும். அடுப்புத்தீயை ஹை ஃப்ளேமில் வைத்து 3 விசில் வைத்து ஆவி முற்றிலும் வெளியேறிய பின்னர் மூடியை திறக்க வேண்டும். இறுதியாக அரை கப் அளவு கெட்டியான தேங்காய்ப்பால் சேர்த்து கலந்து விட்டு மேலும் இரண்டு நிமிடம் கொதிக்க விட்டு இறக்க வேண்டும். இப்போது சுவையான நாட்டுக்கோழி குழம்பு தயார்.
இதையும் படிங்க : இதோ ஏழே நிமிடத்தில் லெக் பீஸ் ரெடி: செஃப் தாமு ஸ்டைலில் இப்படி பண்ணுங்க!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
