பண்டிகைக் காலத்தில் வீட்டைப் புதுப்பிக்கத் திட்டமா? வீட்டுக் கடன் டாப்-அப் எப்போது உதவும்?

Home Loan Top-Up Benefits: பண்டிகைக் காலத்தில் வீட்டைப் புதுப்பிக்கத் திட்டம் இருக்கிறதா? வீட்டுக் கடன் டாப்-அப் எப்போது உதவும் என்பது குறித்து பார்க்கலாம்.

வீட்டுக் கடன்

BySaranya JK

Published on: November 7, 2026 at 4:46 pm

சென்னை, நவ.7, 2026:பண்டிகைக் காலத்தை முன்னிட்டு வீட்டைப் புதுப்பிக்கத் திட்டமிடுபவர்கள், அதற்கான செலவுகளைச் சமாளிக்க வீட்டுக் கடன் டாப்-அப் வசதியைப் பயன்படுத்தலாம். ஏற்கெனவே வீட்டுக் கடன் பெற்று தவணை செலுத்தி வருபவர்கள், அதே கடனுடன் கூடுதல் தொகையைப் பெறுவதற்கு இந்த வசதி உதவுகிறது.

சமையலறை சீரமைப்பு, குளியலறை மேம்பாடு, மின்சார மற்றும் குழாய் இணைப்புப் பழுதுபார்ப்பு, கூடுதல் அறை அமைத்தல் உள்ளிட்ட முக்கியப் பணிகளுக்கு இந்தக் கடன் தொகையைப் பயன்படுத்தலாம். அதேசமயம், சிறிய அலங்கார மாற்றங்கள் மற்றும் தேவையற்ற செலவுகளுக்கு கடன் பெறுவதைத் தவிர்த்து, சேமிப்பைப் பயன்படுத்துவது சிறந்தது.

கூடுதல் கடன் பெறுவதற்கு முன்பு, மாதத் தவணை (EMI), வட்டி விகிதம், கடன் காலம், செயலாக்கக் கட்டணம் உள்ளிட்ட விவரங்களை ஒப்பிட்டுப் பார்க்க வேண்டும். உதாரணமாக, ரூ.15 லட்சம் கடனை ஆண்டுக்கு 8.5 சதவீத வட்டியில் பெற்றால், 5 ஆண்டுகளுக்கு மாதம் சுமார் ரூ.30,775, 10 ஆண்டுகளுக்கு ரூ.18,598, 15 ஆண்டுகளுக்கு ரூ.14,771 தவணை செலுத்த வேண்டியிருக்கும். கடன் காலம் அதிகரிக்கும்போது மொத்த வட்டிச் செலவும் அதிகரிக்கும்.

இதற்கிடையில், பஜாஜ் ஃபைனான்ஸ் நிதி நிறுவனம், தகுதியுள்ள ஏற்கெனவே வீட்டுக் கடன் பெற்றவர்களுக்கு ரூ.1 கோடி வரை டாப்-அப் கடன் வழங்குவதாகத் தெரிவித்துள்ளது. சம்பளதாரர்களுக்கான வட்டி விகிதம் ஆண்டுக்கு 8.60% முதல் 10.40% வரை குறிப்பிடப்பட்டுள்ளது. இருப்பினும், கடன் பெறுபவரின் வருமானம், கடன் வரலாறு, சொத்து மதிப்பு மற்றும் திருப்பிச் செலுத்தும் திறன் ஆகியவற்றின் அடிப்படையில் கடன் தகுதி நிர்ணயிக்கப்படும்.

இதையும் படிங்க : மூலப்பொருட்கள் விலை உயர்வு எதிரொலி.. கோரமண்டல் நிறுவன லாபம் 34% சரிவு!