போலி பாஸ்போர்ட்டில் பயணம் : திருச்சி விமான நிலையத்தில் 3 பேர் கைது

திருச்சி விமான நிலையத்தில் போலி பாஸ்போர்ட்டில் பயணம் செய்த மூன்று பயணிகளை அதிகாரிகள் கைது செய்தனர்.

கைது நடவடிக்கை

Officers arrested three passengers for travelling with fake passports

ByDravidan Times Bureau

Published on: November 30, 2024 at 12:53 pm

Trichy airport Arrest | திருச்சியில் நேற்று (வெள்ளிக்கிழமை) விமான நிலைய அதிகாரிகள் சோதனையின்போது, ஏர் ஏசியா விமானம் மூலம் அதிகாலை கோலாலம்பூரில் இருந்து பயணித்த பயணிகளில், ராமநாதபுரத்தைச் சேர்ந்த பயணி பாலு (58) என்பவர் போலி பாஸ்போர்ட்டில் பயணம் செய்தது தெரியவந்தது. உடனே அதிகாரிகள் பாலுவை விமான நிலைய போலீசாரிடம் ஒப்படைத்தனர்.

இதேபோல், பரமக்குடியைச் சேர்ந்த குதுப்தீன் (47) என்பவர் பாஸ்போர்ட்டில் மனைவி பெயரையும், பிறந்த தேதியையும் மாற்றியதை அதிகாரிகள் கண்டுபிடித்தனர். உடனே அதிகாரிகள் அவரை தடுத்து நிறுத்தினர்.

மேலும், தேவகோட்டையைச் சேர்ந்த நேரு (55) என்ற பயணி போலி ஆவணங்களைப் பயன்படுத்தி பாஸ்போர்ட் பெற்றதை அதிகாரிகள் கண்டுபிடித்தனர். நேரு மஸ்கட்டில் இருந்து ஏர் இந்தியா எக்ஸ்பிரஸ் மூலம் வந்ததாக விமான நிலைய வட்டாரங்கள் தெரிவிக்கின்றன.

அவர் பாஸ்போர்ட்டின் விவரங்களையும் மாற்றியிருந்தார். மேலும் குடியேற்ற அதிகாரிகளின் புகாரின் அடிப்படையில் இருவரும் போலீசாரிடம் ஒப்படைக்கப்பட்டனர்.

இதையும் படிங்க அசாமில் நிலநடுக்கம் ; பொதுமக்கள் அச்சம்