சமந்தாவின் புதிய அவதாரம்.. ‘மா இன்டி பங்காரம்’.. ரிலீஸ் எப்போது?

Maa Inti Bangaram: நடிகை சமந்தாவின் ‘மா இன்டி பங்காரம்’ திரைப்படத்தின் வெளியீட்டு தேதி மாற்றப்பட்டுள்ளது; ஐ.பி.எல் 2026 காரணமாக படத்தின் ரிலீஸ் ஒத்திவைக்கப்பட்டுள்ளது.

‘மா இன்டி பங்காரம்’ சமந்தா

ByAkila Ramakrishnan

Published on: May 8, 2026 at 2:14 pm

ஹைதராபாத், மே 8, 2026: நடிகை சமந்தா ரூத் பிரபு நடிப்பில் உருவாகியுள்ள மா இன்டி பங்காரம் திரைப்படத்தின் வெளியீட்டு தேதி மாற்றப்பட்டுள்ளது. முதலில், இந்தப் படம் மே மாதத்தில் வெளியாக திட்டமிடப்பட்டிருந்த நிலையில், தற்போது ஐ.பி.எல் 2026 போட்டிகளின் காரணமாக ஒத்திவைக்கப்பட்டதாக தயாரிப்புக் குழு அறிவித்துள்ளது.

ரசிகர்கள் ஐ.பி.எல்-இல் அதிகம் ஈடுபடுவதால், திரைப்படங்களுக்கு குறைந்த கவனம் கிடைக்கும் அபாயம் உள்ளது. இதனால், ஐ.பி.எல் 2026 போட்டிகள் நடைபெறும் காலத்தில், பெரிய படங்கள் வெளியிடுவது வசூல் மற்றும் திரையரங்கு வருகையில் பாதிப்பை ஏற்படுத்தும் என அஞ்சப்படுகிறது. சமந்தா ரூத் பிரபுவின் நடிப்பில் உருவாகியுள்ள இந்த படம், குடும்பம் சார்ந்த படமாக இருக்கும் எனக் கூறப்படுகிறது.

புதிய தேதி

இந்த நிலையில், “படம் ரசிகர்களை சென்றடைய சிறந்த நேரத்தில் வெளியிட வேண்டும். அதனால் ஐ.பி.எல் முடிந்த பிறகு புதிய வெளியீட்டு தேதியை அறிவிக்கிறோம்” என படக்குழு அறிவித்துள்ளது.

இதையும் படிங்க : பிரபல நடிகைக்கு தொந்தரவு.. மும்பை டெலிவரி பாய்க்கு வலைவீச்சு!