சிவகார்த்திகேயனின் ‘சேயோன்’ படப்பிடிப்பு மீண்டும் தொடக்கம்.. மதுரையில் 30 நாட்கள் திட்டம்!

Sivakarthikeyan: நடிகர் சிவகார்த்திகேயன் நடிக்கும் இயக்குநர் சிவகுமார் முருகேசன் இயக்கும் ‘சேயோன்’ திரைப்படத்தின் படப்பிடிப்பு விரைவில் மீண்டும் தொடங்க உள்ளது.

நடிகர் சிவகார்த்திகேயன்

ByThilahavathy P

Published on: November 7, 2026 at 12:26 pm

Updated on: November 7, 2026 at 12:27 pm

சென்னை, நவம்பர் 7, 2026: நடிகர் சிவகார்த்திகேயன் நடிக்கும் இயக்குநர் சிவகுமார் முருகேசன் இயக்கும் ‘சேயோன்’ திரைப்படத்தின் படப்பிடிப்பு விரைவில் மீண்டும் தொடங்க உள்ளது. இதற்காக சிவகார்த்திகேயன் விரைவில் மதுரைக்குச் செல்லவுள்ளதாகவும், படத்தின் மூன்றாவது கட்டப் படப்பிடிப்பு அங்கு நடைபெற உள்ளதாகவும் தகவல்கள் வெளியாகியுள்ளன.

இந்த மூன்றாவது கட்டப் படப்பிடிப்பு சுமார் 25 முதல் 30 நாட்கள் வரை நீண்டகாலமாக நடைபெறத் திட்டமிடப்பட்டுள்ளது. ஏற்கெனவே படத்தின் முதல் மற்றும் இரண்டாம் கட்டப் படப்பிடிப்புகள் நிறைவடைந்துள்ளன. இரண்டாம் கட்டப் படப்பிடிப்பு நிறைவடைந்ததைத் தயாரிப்பு நிறுவனமான ராஜ் கமல் ஃபிலிம்ஸ் இன்டர்நேஷனல் அண்மையில் அறிவித்திருந்தது.

இதற்கிடையே, படத்தின் ஒளிப்பதிவாளராகப் பணியாற்றவிருந்த விவேக் விஜயகுமார், தேதி ஒதுக்கீட்டுப் பிரச்சினை காரணமாக விலகியுள்ளார். அவருக்குப் பதிலாக விது அய்யண்ணா ஒளிப்பதிவுப் பணிகளை மேற்கொள்ள உள்ளார். சில காட்சிகள் மீண்டும் படமாக்கப்படுவதாக வெளியான தகவலை இயக்குநர் சிவகுமார் முருகேசன் மறுத்துள்ளார். ஒளிப்பதிவாளர் மாற்றம் கால்ஷீட் பிரச்சினையால் மட்டுமே ஏற்பட்டதாகவும் அவர் விளக்கம் அளித்துள்ளார்.

கமல்ஹாசனின் ராஜ் கமல் ஃபிலிம்ஸ் இன்டர்நேஷனல் மற்றும் டர்மரிக் மீடியா இணைந்து தயாரிக்கும் இப்படத்தில் பாக்யஸ்ரீ போர்ஸ் கதாநாயகியாக நடிக்கிறார். சந்தோஷ் நாராயணன் இசையமைக்கிறார். சிவகார்த்திகேயன், இயக்குநர் ராம்குமார் பாலகிருஷ்ணன் இயக்கும் பெயரிடப்படாத ‘எஸ்.கே.27’ படத்திலும் ஒரே நேரத்தில் நடித்து வருவது குறிப்பிடத்தக்கது.

இதையும் படிங்க : அகில உலக சூப்பர் ஸ்டார் சிவா ரிட்டன்.. ‘தமிழ்ப் படம் 3’ படப்பிடிப்பு தொடக்கம்!