முதன்மை கெமிக்கல் இறக்குமதிக்கு தடை? இந்த 4 பங்குகளை நோட் பண்ணுங்க!

Soda Ash Stocks: சோடா ஆஷ் இறக்குமதிக்கு கட்டுப்பாடு விதிக்கப்படலாம் எனத் தெரிகிறது. இந்நிலையில், 4 நிறுவனப் பங்குகளுக்கு வாய்ப்பு ஏற்பட்டுள்ளது.

முதன்மை கெமிக்கல் இறக்குமதிக்கு தடை

BySaranya JK

Published on: November 9, 2026 at 11:32 am

புதுடெல்லி, நவ.9, 2026: இந்தியாவில் சோடா ஆஷ் இறக்குமதியைக் கட்டுப்படுத்த இரண்டு ஆண்டுகளுக்கு அளவு அடிப்படையிலான கட்டுப்பாடுகளை விதிக்க வர்த்தக தீர்வுகளுக்கான தலைமை இயக்குநரகம் பரிந்துரைத்துள்ளது. வெளிநாடுகளில் இருந்து குறைந்த விலையில் அதிக அளவில் இறக்குமதி செய்யப்படுவதால் உள்நாட்டு உற்பத்தியாளர்கள் பாதிக்கப்படுவதைத் தடுக்கும் நோக்கில் இந்த நடவடிக்கை எடுக்கப்பட்டுள்ளது.

இதன்படி, முதல் ஆண்டில் 7,54,992 டன் சோடா ஆஷ் இறக்குமதிக்கும், இரண்டாவது ஆண்டில் 7,92,740 டன் இறக்குமதிக்கும் உச்சவரம்பு நிர்ணயிக்கப் பரிந்துரைக்கப்பட்டுள்ளது. எனினும், மத்திய அரசின் ஒப்புதல் இன்னும் கிடைக்காததால் இந்தக் கட்டுப்பாடுகள் நடைமுறைக்கு வரவில்லை.

இந்த நடவடிக்கை அமலுக்கு வந்தால், இந்தியாவில் சோடா ஆஷ் உற்பத்தியில் ஈடுபட்டுள்ள ஜி.ஹெச்.சி.எல், டாடா கெமிக்கல்ஸ், டி.சி.டபிள்யூ மற்றும் தூத்துக்குடி அல்கலி கெமிக்கல்ஸ் ஆகிய நான்கு நிறுவனங்கள் பயனடைய வாய்ப்புள்ளதாகக் கூறப்படுகிறது. இறக்குமதிப் போட்டி குறைவதால் உள்நாட்டுச் சந்தையில் விலை மற்றும் உற்பத்தி லாபம் மேம்பட வாய்ப்புள்ளது.

இருப்பினும், உலகளாவிய உற்பத்தி உபரி, எரிசக்தி செலவுகள், நிறுவனங்களின் உற்பத்தித் திறன் மற்றும் சந்தைத் தேவை ஆகியவை இந்த நிறுவனங்களின் வளர்ச்சியைத் தீர்மானிக்கும் முக்கியக் காரணிகளாக இருக்கும்.

எனவே, இந்தப் பங்குகளில் முதலீடு செய்வதற்கு முன்பு நிறுவனங்களின் நிதிநிலை மற்றும் சந்தை மதிப்பீடுகளை ஆராய வேண்டும் என நிதித்துறை வல்லுநர்கள் அறிவுறுத்துகின்றனர்.

இதையும் படிங்க : 20%க்கும் மேல் சரிந்த தங்கத்தின் விலை… போட்டி போட்டு வாங்கும் மத்திய வங்கிகள்!