இந்திய ரூபாய் மதிப்பு 10 காசுகள் சரிவு.. இந்திய பணம் அழுத்தத்தை சந்திப்பது ஏன்?

Rupee Falls: அமெரிக்க டாலருக்கு எதிரான இந்திய ரூபாயின் மதிப்பு புதன்கிழமை காலை வர்த்தகத்தில் 10 காசுகள் சரிந்து ரூ.96.45 ஆக பதிவானது.

இந்திய ரூபாய் மதிப்பு சரிவு

BySaranya JK

Published on: October 7, 2026 at 1:35 pm

மும்பை, அக்.7, 2026: அமெரிக்க டாலருக்கு எதிரான இந்திய ரூபாயின் மதிப்பு புதன்கிழமை காலை வர்த்தகத்தில் 10 காசுகள் சரிந்து ரூ.96.45 ஆக பதிவானது. முந்தைய வர்த்தக நாளில் ரூ.96.35 ஆக இருந்த ரூபாய், ரிசர்வ் வங்கியின் நிதிக் கொள்கை முடிவை முதலீட்டாளர்கள் எதிர்பார்த்திருந்த நிலையில் சரிவை சந்தித்தது.

உள்நாட்டு பங்குச்சந்தைகளில் இருந்து வெளிநாட்டு முதலீடுகள் தொடர்ந்து வெளியேறுவது மற்றும் டாலர் மதிப்பு பல மாதங்களுக்குப் பிறகு உயர்ந்த நிலையில் நீடிப்பது ரூபாய்க்கு அழுத்தத்தை ஏற்படுத்தியதாக அந்நியச் செலாவணி வர்த்தகர்கள் தெரிவித்தனர்.

இதனிடையே, மேற்காசிய மோதல் காரணமாக கச்சா எண்ணெய் விலை உயர்ந்து வருவதும் இந்திய ரூபாயின் மீது அழுத்தத்தை அதிகரித்துள்ளது.

பிரெண்ட் கச்சா எண்ணெய் விலை பேரலுக்கு 101.50 அமெரிக்க டாலராக உயர்ந்திருந்தது. இதேநேரத்தில், அக்டோபர் 6-ஆம் தேதி வெளிநாட்டு நிறுவன முதலீட்டாளர்கள் இந்திய பங்குச்சந்தையில் இருந்து ரூ.2,961.30 கோடி மதிப்பிலான பங்குகளை நிகர அளவில் விற்பனை செய்திருந்தனர்.

இந்நிலையில், ரிசர்வ் வங்கியின் நிதிக் கொள்கை முடிவு மற்றும் ஆளுநரின் அடுத்தகட்ட நிலைப்பாடு ரூபாய் மதிப்பில் தாக்கத்தை ஏற்படுத்தும் என சந்தை வட்டாரங்கள் எதிர்பார்த்தன.

இதையும் படிங்க : வெளிநாட்டு முதலீட்டாளர்கள் பங்கு விற்பனை.. இந்திய பங்குச் சந்தை சரிவு ஏன்?