Fixed Deposit: பஞ்சாப் நேஷனல் வங்கியில் ஃபிக்ஸட் டெபாசிட் வட்டி விகிதங்கள் குறைக்கப்பட்டுள்ளன. இந்திய ரிசர்வ் வங்கியின் ரெப்போ வட்டி விகிதம் குறைவை தொடர்ந்து இது நடைமுறைக்கு வந்துள்ளது.
Fixed Deposit: பஞ்சாப் நேஷனல் வங்கியில் ஃபிக்ஸட் டெபாசிட் வட்டி விகிதங்கள் குறைக்கப்பட்டுள்ளன. இந்திய ரிசர்வ் வங்கியின் ரெப்போ வட்டி விகிதம் குறைவை தொடர்ந்து இது நடைமுறைக்கு வந்துள்ளது.
Published on: April 13, 2025 at 11:55 am
யெஸ் வங்கி, கனரா வங்கி, கோடக் மஹிந்திரா வங்கி, ஈக்விடாஸ் மற்றும் சிவாலிக் சிறு நிதி வங்கி போன்ற வங்கிகள் வட்டி விகிதங்களைக் குறைத்துள்ளன. இதைத் தொடர்ந்து, பஞ்சாப் நேஷனல் வங்கி (PNB) ரூ.3 கோடிக்கும் குறைவான ஃபிக்ஸட் டெபாசிட் வட்டி விகிதங்களைக் குறைத்துள்ளன.
பஞ்சாப் நேஷனல் வங்கி எஃப்.டி வட்டி விகிதங்கள்
பஞ்சாப் நேஷனல் வங்கி, இந்தத் திருத்தத்திற்குப் பிறகு, பொது குடிமக்களுக்கு 7 நாள்கள் முதல் 10 ஆண்டுகள் வரையிலான ஃபிக்ஸட் டெபாசிட் திட்டங்களுக்கு 3.50% முதல் 7.10% வரை வட்டி விகிதங்களை வழங்கிவருகிறது. தொடர்ந்து, 390 நாள்கள் காலகட்டத்தில் உள்ள ஃபிக்ஸட் டெபாசிட் முதலீடுகளுக்கு 7.10% அதிகபட்ச வட்டி விகிதம் வழங்கப்படுகிறது.
முன்னதாக, 400 நாள்கள் கால அளவு கொண்ட நிலையான வைப்புத் தொகைக்கு வங்கி அதிகபட்சமாக 7.25% வட்டி விகிதத்தை வழங்கி வந்தது. இதற்கிடையில், வங்கியானது பல காலகட்டங்களுக்கான நிலையான வைப்புத்தொகை வட்டி விகிதங்களை வங்கி திருத்தியுள்ளது.
அதன்படி, 300 நாள் காலகட்டத்திற்கான வட்டி விகிதம் 7.05% இலிருந்து 6.50% ஆகக் குறைக்கப்பட்டுள்ளது, அதே நேரத்தில் 303 நாள் காலகட்டத்திற்கான வட்டி இப்போது 6.40% இலிருந்து 7.00% ஆகக் குறைக்கப்பட்டுள்ளது. மேலும், 2 ஆண்டுகளுக்கு மேல் மற்றும் 3 ஆண்டுகள் வரையிலான காலகட்ட வைப்புத்தொகைகளுக்கு, வட்டி விகிதம் 7.00% இலிருந்து 6.75% ஆகக் குறைக்கப்பட்டுள்ளது.
1204 நாள் காலகட்டம் 6.40% இலிருந்து 6.15% ஆகவும், 1205 நாட்கள் முதல் 5 ஆண்டுகள் வரையிலான காலகட்டங்களுக்கு 6.50% இலிருந்து 6.25% ஆகவும் குறைக்கப்பட்டுள்ளது
மூத்தக் குடிமக்கள் ஃபிக்ஸட் டெபாசிட்
இதில் மூத்தக் குடிமக்கள் 80 அடிப்படை புள்ளிகள் கூடுதல் வட்டி விகிதத்தையும் பெறுவார்கள். அதாவது, வங்கி 4.00% முதல் 7.60% வரை வட்டி விகிதங்களை வழங்குகிறது. இதேபோல், 80 வயதை கடந்த சிறப்பு மூத்தக் குடிமக்களுக்கும் 80 பிபிஎஸ் வட்டி விகிதம் அதிகரிக்கப்பட்டுள்ளது. அதாவது 4.30 சதவீதம் முதல் 7.90 சதவீதம் வட்டி பெறுவார்கள் என்பது குறிப்பிடத்தக்கது.
இதையும் படிங்க : ஹோம் லோன் வட்டியை குறைப்பது எப்படி? இந்த 4 வழிகளை ஃபாலோ பண்ணுங்க!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
