ஏசியன் பெயிண்ட்ஸ் நிகர லாபம் கடும் சரிவு

Asian Paints Q2 Results | ஏசியன் பெயிண்ட்ஸ் நிகர லாபம் 40 சதவீதம் வரை சரிவை கண்டுள்ளது.

ஏசியன் பெயிண்ட்ஸ்

Asian Paints Q2 Net drops over 40 percent

ByDravidan Times Bureau

Published on: November 10, 2024 at 9:45 am

Asian Paints Q2 Results | ஏசியன் பெயின்ட்ஸ் நிறுவனத்தின் செப்டம்பர் காலாண்டின் (Q2FY25) நிதிநிலை முடிவுகள் சனிக்கிழமை (நவ.9, 2024) வெளியானது. இந்த நிலையில், ஒருங்கிணைந்த நிகர லாபம் ஆண்டுக்கு ஆண்டு 42.4% சரிவை கண்டுள்ளது. தற்போது ஒருங்கிணைந்த நிகர லாபம் ரூ.694.64 கோடியாக உள்ளது. கடந்த ஆண்டு இதே காலத்தில் ஈட்டிய லாபம் ரூ.1,205.42 கோடியாக காணப்பட்டது.

அதேபோல், நிறுவனத்தின் விற்பனை வருவாய் ஆண்டுக்கு ஆண்டு 5.3% குறைந்து, Q2FY24 இல் ரூ.8,451.93 கோடியிலிருந்து ரூ.8,003.02 கோடியாகக் குறைந்துள்ளது. தொடர்ந்து, ஏசியன் பெயிண்ட்ஸ் அதன் ஒருங்கிணைந்த பிபிடிஐடியில் (தேய்மானம், வட்டி மற்றும் வரிக்கு முந்தைய லாபம்) 27.8% வீழ்ச்சியைப் பதிவுசெய்துள்ளது, இது கடந்த ஆண்டு ரூ.1,716.2 கோடியிலிருந்து ரூ.1,239.5 கோடியாகக் குறைந்துள்ளது.

இது குறித்து பேசிய நிறுவனத்தின் தலைமை நிர்வாக அதிகாரி, அமித் சிங்கிள் கூறுகையில், கடந்த ஆண்டு அமல்படுத்தப்பட்ட விலைக் குறைப்பு, அதிக உள்ளீடு செலவுகள் மற்றும் அதிகரித்த விற்பனைச் செலவுகள் ஆகியவற்றால் பாதிப்புகள் ஏற்பட்டுள்ளன” என்றார். மேலும், “தொடர்ந்து சவால்கள் இருந்தாலும், ஏசியன் பெயிண்ட்ஸ் அதன் வலுவான பிராண்ட் மற்றும் விரிவான விநியோக வலையமைப்பை மேம்படுத்துவதில் கவனம் செலுத்தும்” என்றார்.

இதையும் படிங்க : ஆறே ஆறு முதலீடு விதிதான்.. நீங்கதான் உலகின் நம்பர் 1 பணக்காரர்: வாரன் பஃபெட் இரகசியம்!