Gold Rate today in Chennai | சென்னையில் தங்கம் விலை சவரனுக்கு ரூ. 520 உயர்ந்து புதிய உச்சம் தொட்டுள்ளது.
Gold Rate today in Chennai | சென்னையில் தங்கம் விலை சவரனுக்கு ரூ. 520 உயர்ந்து புதிய உச்சம் தொட்டுள்ளது.
Published on: October 26, 2024 at 10:21 am
Gold Rate today in Chennai | சென்னையில் தங்கம் நேற்று கிராம் ரூ.7,295 ஆகவும், பவுன் ரூ. 58,360 க்கும் விற்பனையானது. இந்நிலையில், இன்று தங்கம் விலை கிராமுக்கு ரூ. 65 உயர்ந்து கிராம் ரூ. 7,360 ஆகவும் பவுன் ரூ. 58,880 ஆகவும் நிர்ணயிக்கப்பட்டுள்ளது. தூய தங்கத்தை பொறுத்தவரை கிராம் ரூ. 7,865 ஆகவும் பவுன் ரூ. 62,920ஆகவும் நிர்ணயிக்கப்பட்டுள்ளது.
வெள்ளி விலை
வெள்ளி விலையை பொருத்தவரை கிராம் ரூ.107 ஆகவும் கிலோ வெள்ளி ரூ.107,000 ஆகவும் நேற்றைய விலையிலேயே காணப்படுகின்றது.
இதையும் படிங்க
சென்னை, நவ.3, 2026: இந்தியாவில் மருந்து எதிர்ப்புத் திறன் கொண்ட காசநோய்க்குச் சிகிச்சை அளிக்கப் பயன்படுத்தப்படும் BPaL மருந்துக் கூட்டணிக்கான காப்புரிமை விண்ணப்பத்தை இந்தியக் காப்புரிமை அலுவலகம் நிராகரித்துள்ளது. அமெரிக்காவைச் சேர்ந்த டி.பி அலையன்ஸ் (TB Alliance) நிறுவனம் தாக்கல் செய்த இந்த விண்ணப்பம், கடந்த அக்டோபர் 27ஆம் தேதி நிராகரிக்கப்பட்டது.
BPaL என்பது பெடாகுயிலின், ப்ரெடோமானிட் மற்றும் லினெசோலிட் ஆகிய மூன்று மருந்துகளின் கூட்டணியாகும். மருந்து எதிர்ப்புத் திறன் கொண்ட காசநோயாளிகளுக்கு ஆறு மாதங்களில் சிகிச்சை அளிக்கக்கூடிய இந்த முறையை உலக சுகாதார அமைப்பு பரிந்துரைத்துள்ளது. இதனுடன் மோக்சிஃப்ளோக்சசின் சேர்க்கப்பட்ட BPaLM சிகிச்சையும் இந்தியாவில் பயன்படுத்தப்படுகிறது.
இந்தக் காப்புரிமை விண்ணப்பத்துக்கு எதிராக 2020ஆம் ஆண்டில் நோயாளிகள் நல அமைப்புகள் சார்பில் இரண்டு எதிர்ப்பு மனுக்கள் தாக்கல் செய்யப்பட்டன. மருந்துகளின் சேர்க்கையில் புதுமையான கண்டுபிடிப்பு இல்லை என்றும், இதற்குத் தனி காப்புரிமை வழங்கத் தேவையில்லை என்றும் அவர்கள் வாதிட்டனர். இதனைப் பரிசீலித்த காப்புரிமை அலுவலகம், புதுமை மற்றும் கண்டுபிடிப்புத் தன்மை உள்ளிட்ட சட்ட நிபந்தனைகள் பூர்த்தி செய்யப்படவில்லை எனக் கூறி விண்ணப்பத்தை நிராகரித்தது.
இந்த முடிவால், இந்தியாவில் இம்மருந்துக் கூட்டணியைத் தயாரிக்கப் பல நிறுவனங்களுக்கு வாய்ப்பு உருவாகலாம். இதன் மூலம் சந்தைப் போட்டி அதிகரித்து மருந்துகளின் விலை குறைய வாய்ப்புள்ளது. இருப்பினும், காப்புரிமை நிராகரிக்கப்பட்டதால் உடனடியாக விலை குறையும் என்று கூற முடியாது என்றும், தரமான மருந்துகள் தடையின்றி கிடைப்பதை அரசு உறுதி செய்ய வேண்டும் என்றும் சுகாதார நிபுணர்கள் தெரிவித்துள்ளனர்.
இதையும் படிங்க : ரெஸ்யூமில் இந்தத் தவறுகள் இருந்தால் வேலை கிடைப்பது கடினம்.. நிபுணர் கூறும் முக்கிய அறிவுரைகள்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
சென்னை, நவ.3, 2026: புவி வெப்பமயமாதல் முன்பைவிட வேகமாக அதிகரித்து வருவதாக புதிய ஆய்வில் விஞ்ஞானிகள் உறுதிப்படுத்தியுள்ளனர். கடந்த 1970 முதல் 2015 வரையிலான காலகட்டத்தில், பத்தாண்டுக்கு சுமார் 0.2 டிகிரி செல்சியஸ் என்ற அளவில் உயர்ந்த உலக வெப்பநிலை, 2015-க்குப் பிறகு பத்தாண்டுக்கு சுமார் 0.35 டிகிரி செல்சியஸாக அதிகரித்துள்ளதாக ஆய்வில் தெரிவிக்கப்பட்டுள்ளது.
எல் நினோ தாக்கம், எரிமலை வெடிப்புகள் மற்றும் சூரிய கதிர்வீச்சில் ஏற்படும் மாற்றங்கள் போன்ற இயற்கைக் காரணிகளின் தாக்கத்தைக் கணக்கில் கொண்டு ஆய்வு மேற்கொள்ளப்பட்டது. நாசா, நொயா உள்ளிட்ட ஐந்து முக்கிய உலக வெப்பநிலைத் தரவுகளையும் ஆய்வாளர்கள் ஒப்பிட்டுள்ளனர். இதன் மூலம், வெப்பமயமாதல் வேகம் அதிகரித்திருப்பதற்கு 98 சதவீதத்துக்கும் அதிகமான புள்ளிவிவர உறுதி இருப்பதாகக் கூறப்பட்டுள்ளது.
இந்த வேகம் தொடர்ந்து நீடித்தால், பாரிஸ் பருவநிலை ஒப்பந்தத்தில் நிர்ணயிக்கப்பட்ட 1.5 டிகிரி செல்சியஸ் வெப்பநிலை வரம்பை 2030-ஆம் ஆண்டுக்கு முன்பே பூமி எட்டக்கூடும் என ஆய்வாளர்கள் எச்சரிக்கின்றனர்.
எனவே, புதைபடிவ எரிபொருட்களின் பயன்பாட்டைக் குறைத்து, கார்பன் வெளியேற்றத்தைக் கட்டுப்படுத்துவதற்கான நடவடிக்கைகளை விரைவுபடுத்த வேண்டிய அவசியம் ஏற்பட்டுள்ளதாகவும் தெரிவிக்கப்பட்டுள்ளது.
இதையும் படிங்க : அணு கடிகாரம்.. திருப்பதியில் இஸ்ரோ தலைவர் சொன்ன பிரத்யேக தகவல்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திருவனந்தபுரம், நவ.3, 2026: கேரள மாநில லாட்டரித்துறையின் ஸ்த்ரீ சக்தி SS-544 லாட்டரி குலுக்கல் இன்று (நவம்பர் 3) நடைபெறுகிறது. இந்தக் குலுக்கலில் முதல் பரிசாக ரூ.1 கோடி வழங்கப்பட உள்ளது. கேரளா முழுவதும் லாட்டரிச் சீட்டுகளை வாங்கியவர்கள் முடிவுகளை எதிர்பார்த்துக் காத்திருக்கின்றனர்.
திருவனந்தபுரத்தில் உள்ள கோர்க்கி பவனில் பிற்பகல் 3 மணிக்கு குலுக்கல் நடைபெற உள்ளது. குலுக்கல் முடிந்ததும் வெற்றி எண்கள் அதிகாரப்பூர்வமாக வெளியிடப்படும் எனத் தெரிவிக்கப்பட்டுள்ளது.
இந்த லாட்டரியில் இரண்டாம் பரிசாக ரூ.30 லட்சமும், மூன்றாம் பரிசாக ரூ.5 லட்சமும் வழங்கப்படுகின்றன. இதுதவிர ஆறுதல் பரிசு மற்றும் பல்வேறு பிரிவுகளில் குறைந்தபட்ச பரிசுத் தொகைகளும் அறிவிக்கப்பட்டுள்ளன.
ஸ்த்ரீ சக்தி லாட்டரிச் சீட்டின் விலை ரூ.50 ஆகும். கேரள மாநிலத்தில் அங்கீகரிக்கப்பட்ட லாட்டரி முகவர்கள் மூலம் மட்டுமே சீட்டுகள் விற்பனை செய்யப்படுகின்றன.
குலுக்கலில் பரிசு பெறுபவர்கள் தங்களது சீட்டு எண் மற்றும் தொடரை வெளியிடப்படும் முடிவுகளுடன் சரிபார்க்க வேண்டும். பரிசுத் தொகையைப் பெற அசல் லாட்டரிச் சீட்டை பாதுகாப்பாக வைத்திருந்து, கேரள மாநில லாட்டரித்துறையின் வழிகாட்டுதலின்படி உரிய ஆவணங்களுடன் விண்ணப்பிக்க வேண்டும்.
இதையும் படிங்க : பங்குச்சந்தையில் ஏற்றத்துடன் தொடங்கிய வர்த்தகம்.. 450 புள்ளிகளுக்கு மேல் உயர்ந்த சென்செக்ஸ்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
ஈரோடு, நவ.3, 2026: தமிழக முதலமைச்சர் சி. ஜோசப் விஜய், ஈரோடு மாவட்டத்தில் நடைபெறும் மகளிர் மேம்பாட்டுத் திட்ட நிகழ்ச்சியில் பங்கேற்பதற்காக இன்று (நவம்பர் 3) காலை சென்னையில் இருந்து விமானம் மூலம் கோவை வந்தடைந்தார். கோவை சர்வதேச விமான நிலையத்தில் அவருக்கு கட்சியினர் மற்றும் தொண்டர்கள் உற்சாக வரவேற்பு அளித்தனர். இதையடுத்து, அங்கிருந்து சாலை மார்க்கமாக ஈரோடு மாவட்டம் பெருந்துறைக்குப் புறப்பட்டுச் சென்றார். பெருந்துறையில் கருமாண்டிசெல்லிபாளையம் பாலம் அருகே உள்ள ஸ்ரீ லட்சுமி நாராயணா மகாலில் காலை 11.45 மணிக்கு மகளிர் திட்டத்தின் கீழ் அரசு நலத்திட்ட உதவிகள் வழங்கும் நிகழ்ச்சியில் கலந்துகொண்டார்.
இந்த நிகழ்ச்சியில் ஈரோடு, கரூர், திருப்பூர், கோவை, சேலம், நாமக்கல் உள்ளிட்ட 13 மாவட்டங்களைச் சேர்ந்த சுமார் 4,000 மகளிர் சுய உதவிக் குழுக்களுக்கு வங்கிக் கடனுதவி மற்றும் பல்வேறு நலத்திட்ட உதவிகள் வழங்கப்படன.
இதன் மொத்த மதிப்பு சுமார் ரூ.1,110 கோடி எனத் தெரிவிக்கப்பட்டுள்ளது. மகளிரின் பொருளாதார முன்னேற்றம், சுயதொழில் தொடங்குதல் மற்றும் கிராமப்புற வாழ்வாதாரத்தை மேம்படுத்துதல் ஆகியவற்றை நோக்கமாகக் கொண்டு இந்த உதவிகள் வழங்கப்பட்டன.
மேலும், பல்வேறு மாவட்டங்களைச் சேர்ந்த மகளிர் சுய உதவிக் குழுக்கள் தயாரித்துள்ள பொருட்களின் கண்காட்சி அரங்குகளையும் முதலமைச்சர் பார்வையிட்டார். மகளிர் தொழில்முனைவோரின் உற்பத்திப் பொருட்கள், சிறு தொழில் முயற்சிகள் மற்றும் அவர்களின் பொருளாதார வளர்ச்சிக்கான செயல்பாடுகள் குறித்து அவர் கேட்டறிய உள்ளதாகத் தெரிவிக்கப்பட்டுள்ளது. இந்த நிகழ்ச்சிக்கான ஏற்பாடுகளை அமைச்சர்கள் மற்றும் மாவட்ட நிர்வாக அதிகாரிகள் மேற்கொண்டுள்ளனர்.
முதலமைச்சரின் வருகையை முன்னிட்டு கோவை முதல் பெருந்துறை வரையிலும், நிகழ்ச்சி நடைபெறும் பகுதிகளிலும் பலத்த பாதுகாப்பு ஏற்பாடுகள் செய்யப்பட்டுள்ளன. குறிப்பாக, 4,500-க்கும் மேற்பட்ட காவல்துறையினர் பாதுகாப்புப் பணியில் ஈடுபடுத்தப்பட்டுள்ளனர்.
முன்னதாக, நேற்று புதுக்கோட்டை மாவட்டத்தில் சுற்றுப்பயணம் மேற்கொண்ட முதலமைச்சர் விஜய், புதிய பேருந்து நிலையம், உள்விளையாட்டு அரங்கம் உள்ளிட்ட வளர்ச்சித் திட்டங்களைத் தொடங்கி வைத்து, ஆயிரக்கணக்கான பயனாளிகளுக்கு நலத்திட்ட உதவிகளையும் வழங்கியிருந்தார் என்பது குறிப்பிடத்தக்கது.
இதையும் படிங்க : டாஸ்மாக் கடைகள் தொடர்ந்து அரசு கட்டுப்பாட்டில்.. தனியார் பார்களுக்கு புதிய விதிகள்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
புதுடெல்லி, நவ.3, 2026: இந்திய டெஸ்ட் அணியில் மீண்டும் இடம் கிடைக்காதது குறித்து மும்பை கிரிக்கெட் வீரர் சர்ஃபராஸ் கான் தனது அதிருப்தியையும் வேதனையையும் வெளிப்படுத்தியுள்ளார். ரயில்வேஸ் அணிக்கு எதிரான ரஞ்சி கோப்பை போட்டியின்போது பேசிய அவர், ஒவ்வொரு நாளும் அதிகாலை 5 மணிக்கே எழுந்து பயிற்சி மேற்கொள்வதாகத் தெரிவித்துள்ளார்.
தொடர்ந்து சிறப்பாக விளையாடியும் இந்திய அணியில் வாய்ப்பு கிடைக்காததால், இன்னும் எவ்வளவு கடினமாக உழைக்க வேண்டும் என்ற கேள்வி தனக்குள் எழுவதாகக் குறிப்பிட்டுள்ளார். தனது உடல் எடையை 97 கிலோவிலிருந்து 77 கிலோவாகக் குறைத்ததுடன், உடற்தகுதியிலும் அதிக கவனம் செலுத்தியதாகத் தெரிவித்துள்ளார்.
மேலும், வெளிநாட்டு மைதானங்களில் சிறப்பாக விளையாட முடியாது என்ற பார்வை தன் மீது இருப்பதாகவும் அவர் வேதனை தெரிவித்துள்ளார். தென்னாப்பிரிக்கா மற்றும் இங்கிலாந்தில் இந்தியா ஏ அணிக்காக விளையாடியபோது சதம் அடித்துள்ளதையும் சுட்டிக்காட்டிய அவர், வெளிநாடுகளிலும் ரன்கள் குவித்துள்ளதாகக் குறிப்பிட்டுள்ளார்.
தனது தந்தை நவ்ஷாத் கானின் உழைப்பும் ஆதரவும்தான் தொடர்ந்து கிரிக்கெட் விளையாடுவதற்கான மிகப்பெரிய உந்துசக்தி என சர்ஃபராஸ் தெரிவித்துள்ளார். இந்திய அணியில் வாய்ப்பு கிடைத்தாலும், கிடைக்காவிட்டாலும் தொடர்ந்து ரன்கள் குவிப்பதே தனது வேலை என்றும், வாய்ப்பு கிடைக்கும் இடங்களில் எல்லாம் விளையாடத் தயாராக இருப்பதாகவும் அவர் கூறியுள்ளார்.
இதையும் படிங்க : ஆஸ்திரேலிய வீரர் கிளென் மேக்ஸ்வெல் ஓய்வு.. ரசிகர்கள் அதிர்ச்சி!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
