ஒரே நிதியாண்டில் 1 லட்சம் டிராக்டர்கள் விற்பனை.. ஜான் டீர் நிறுவனம் சாதனை!

John Deere Sells 1 Lakh Tractors : இந்தியாவில் ஒரே நிதியாண்டில் 1 லட்சம் டிராக்டர்களை விற்பனை செய்து ஜான் டீர் நிறுவனம் சாதனை படைத்துள்ளது.

டிராக்டர் விற்பனை சாதனை

ByJayakrishnan R

Published on: November 11, 2026 at 7:45 pm

புனே, நவ.11, 2026: இந்தியாவில் ஒரே நிதியாண்டில் 1 லட்சம் டிராக்டர்களை விற்பனை செய்து ஜான் டீர் நிறுவனம் சாதனை!

ஜான் டீர் இந்தியா (John Deere India) நிறுவனம், இந்தியாவில் ஒரே நிதியாண்டில் 1 லட்சத்துக்கும் அதிகமான டிராக்டர்களை விற்பனை செய்து புதிய மைல்கல் சாதனையைப் படைத்துள்ளது. விவசாயிகள் மற்றும் விற்பனைக் கூட்டாளிகள் நிறுவனத்தின் மீது வைத்துள்ள நம்பிக்கையை இந்தச் சாதனை பிரதிபலிப்பதாக நிறுவனம் தெரிவித்துள்ளது.

இந்தச் சாதனை குறித்து ஜான் டீர் இந்தியாவின் நிர்வாக இயக்குநர் ராஜேஷ் சின்ஹா கூறுகையில், ஒரு நிதியாண்டில் 1 லட்சத்துக்கும் அதிகமான டிராக்டர்களை விற்பனை செய்திருப்பது வெறும் வணிகச் சாதனை மட்டுமல்ல; இந்திய விவசாயிகள் மற்றும் டீலர்கள் நிறுவனத்தின் மீது வைத்துள்ள நம்பிக்கையின் வெளிப்பாடு என்றார்.

மேலும், விவசாயிகளின் உற்பத்தித்திறன், வருமானம் மற்றும் நிலைத்தன்மையை மேம்படுத்தும் வகையில் நவீன தொழில்நுட்பத்துடன் கூடிய டிராக்டர்கள் மற்றும் விவசாய இயந்திரங்களை நிறுவனம் தொடர்ந்து அறிமுகப்படுத்தி வருகிறது.

இந்தியாவில் தயாரிக்கப்படும் ஜான் டீர் நிறுவனத்தின் தயாரிப்புகள் 110-க்கும் மேற்பட்ட நாடுகளுக்கு ஏற்றுமதி செய்யப்படுகின்றன. புனே மற்றும் தேவாஸ் ஆகிய இடங்களில் டிராக்டர் உற்பத்தி ஆலைகளையும் நிறுவனம் செயல்படுத்தி வருகிறது.

இந்தியாவில் 28 ஆண்டுகளுக்கும் மேலாகச் செயல்பட்டு வரும் ஜான் டீர் நிறுவனத்தின் இந்தச் சாதனை, அதன் ஊழியர்கள், டீலர்கள், விநியோகஸ்தர்கள் மற்றும் வணிகக் கூட்டாளிகளின் கூட்டு முயற்சிக்குக் கிடைத்த வெற்றியாகப் பார்க்கப்படுகிறது. இந்திய விவசாயத்தில் இயந்திரமயமாக்கலை மேம்படுத்துவதிலும் நிறுவனம் தொடர்ந்து கவனம் செலுத்தி வருகிறது.

இதையும் படிங்க : முதன்மை கெமிக்கல் இறக்குமதிக்கு தடை? இந்த 4 பங்குகளை நோட் பண்ணுங்க!