அமைச்சர் வன்னியரசுக்கு எதிராக போராட்டம்.. திண்டுக்கல்லில் பரபரப்பு!

Protest Against Vanniarasu: அமைச்சர் வன்னியரசுக்கு எதிராக நடந்த போராட்டத்தால் திண்டுக்கல்லில் பரபரப்பு ஏற்பட்டது.

திண்டுக்கல்லில் அமைச்சர் வன்னியரசுக்கு எதிராக போராட்டம்

ByJayakrishnan R

Published on: October 1, 2026 at 1:57 pm

திண்டுக்கல், அக்.1, 2026: திண்டுக்கல் மாவட்ட ஆட்சியர் அலுவலகம் அருகே, மாட்டிறைச்சி தொடர்பாக அமைச்சர் வன்னி அரசுவின் பேச்சைக் கண்டித்து போராட்டம் நடைபெற்றது. புதிய தமிழகம் கட்சி சார்பில் நடைபெற்ற இந்தப் போராட்டத்தில், அமைச்சரின் கருத்துக்கு எதிர்ப்பு தெரிவித்து கோஷங்கள் எழுப்பப்பட்டன.

மாட்டிறைச்சி விவகாரம் தொடர்பாக அமைச்சர் தெரிவித்த கருத்துகள் குறிப்பிட்ட சமூகத்தினரின் உணர்வுகளைப் பாதிக்கும் வகையில் இருப்பதாக போராட்டத்தில் பங்கேற்றவர்கள் குற்றம்சாட்டினர்.
இந்த நிலையில், பாரதிய இந்து மக்கள் கட்சியின் நிறுவனர் தர்மாவும் இந்தப் போராட்டத்தில் பங்கேற்றார்.

இந்தப் போராட்டத்தின் போது அமைச்சர் வன்னி அரசுவின் புகைப்படத்தை செருப்பால் அடித்து எதிர்ப்பை வெளிப்படுத்தியதாக தகவல் வெளியாகியுள்ளது. இதையடுத்து அங்கு பாதுகாப்புப் பணியில் ஈடுபட்டிருந்த போலீஸார் தர்மாவை கைது செய்தனர்.

போராட்டம் நடைபெற்ற பகுதியில் போலீஸார் பாதுகாப்புப் பணியில் ஈடுபடுத்தப்பட்டிருந்தனர். கைது செய்யப்பட்ட தர்மாவிடம் போராட்டம் தொடர்பாக போலீஸார் விசாரணை மேற்கொண்டதாகத் தெரிவிக்கப்பட்டுள்ளது. அமைச்சர் வன்னி அரசுவின் மாட்டிறைச்சி குறித்த பேச்சுக்கு எதிர்ப்பு தெரிவித்து நடைபெற்ற இந்தப் போராட்டத்தில், சம்பந்தப்பட்ட கருத்துக்கு எதிராக பல்வேறு முழக்கங்களும் முன்வைக்கப்பட்டன.

மாட்டிறைச்சி தொடர்பான அமைச்சரின் கருத்தை மையமாகக் கொண்டு அரசியல் மற்றும் சமூக ரீதியான விவாதம் தொடர்ந்து வரும் நிலையில், திண்டுக்கல்லில் நடைபெற்ற இந்தப் போராட்டமும் அதில் ஒருவர் கைது செய்யப்பட்ட சம்பவமும் கவனம் பெற்றுள்ளது. இதனிடையே, போராட்டத்தின்போது சட்டம்-ஒழுங்கை பாதிக்கும் வகையில் செயல்பட்டதாகக் கூறப்படும் நடவடிக்கைகள் தொடர்பாக போலீஸார் தொடர்ந்து விசாரணை நடத்தி வருகின்றனர்.

இதையும் படிங்க : ‘ஆபாச நதி, வன்ம நதி’… தாராபுரத்தில் முதலமைச்சர் விஜய் விமர்சனம்!