Mettur Dam Open: காவிரி டெல்டா மாவட்டங்களின் பாசனத் தேவைக்காக மேட்டூர் ஸ்டான்லி நீர்த்தேக்கத்தின் மதகுகளை தமிழக முதலமைச்சர் சி. ஜோசப் விஜய் இன்று தண்ணீர் திறந்து வைத்தார். செப்டம்பர் 1 முதல் 45 நாட்களுக்கு தண்ணீர் திறக்க திட்டமிடப்பட்டுள்ள நிலையில், அணையின் நீர் இருப்பு மற்றும் நீர்வரத்தைப் பொறுத்து திறப்பு தொடரும் என தெரிவிக்கப்பட்டுள்ளது.
Published on: September 1, 2026 at 2:10 pm
மேட்டூர், செப்.1, 2026: காவிரி டெல்டா மாவட்டங்களின் பாசனத்திற்காக மேட்டூர் அணையின் மதகுகளை தமிழக முதலமைச்சர் சி. ஜோசப் விஜய் இன்று திறந்து வைத்தார். வழக்கமாக ஆண்டுதோறும் ஜூன் 12-ம் தேதி மேட்டூர் அணை திறக்கப்படும் நிலையில், இந்த ஆண்டு காவிரி நீர்ப்பிடிப்பு பகுதிகளில் போதிய மழை இல்லாததாலும், அணையின் நீர்மட்டம் குறைவாக இருந்ததாலும் திறப்பு தாமதமானது.
செப்டம்பர் 1 முதல் 45 நாட்களுக்கு காவிரி டெல்டா பாசனத்துக்கு தண்ணீர் திறக்க திட்டமிடப்பட்டுள்ளது. எனினும், அணையின் நீர் இருப்பு மற்றும் தொடர்ந்து கிடைக்கும் நீர்வரத்தைப் பொறுத்தே தண்ணீர் திறப்பு அளவு மற்றும் காலம் அமையும் என தெரிவிக்கப்பட்டுள்ளது. இதன் மூலம் டெல்டா மாவட்டங்களில் சாகுபடி பணிகளுக்கு தேவையான நீர் கிடைக்கும் என எதிர்பார்க்கப்படுகிறது.
இந்த ஆண்டு மேட்டூர் அணை திறப்பு தாமதமானதால், டெல்டா விவசாயிகள் குறுவை சாகுபடியில் பாதிப்பை எதிர்கொண்டனர். தற்போது அணை திறக்கப்பட்டுள்ள நிலையில், சம்பா சாகுபடியை மேற்கொள்ள விவசாயிகள் தயாராகி வருகின்றனர். நீரை சிக்கனமாகவும், திட்டமிட்டும் பயன்படுத்த வேண்டும் என விவசாயிகளுக்கு அறிவுறுத்தப்பட்டுள்ளது.
இதனிடையே, தமிழகம்–கர்நாடகா இடையிலான காவிரி நீர் பங்கீட்டு விவகாரம் தொடர்ந்து நீடித்து வருகிறது. தமிழகத்தின் நீர் கோரிக்கை தொடர்பான வழக்கை உச்சநீதிமன்றம் செப்டம்பர் 15-ம் தேதிக்கு ஒத்திவைத்துள்ளது. இந்தச் சூழலில் மேட்டூர் அணை திறக்கப்பட்டிருப்பது காவிரி டெல்டா விவசாயிகளுக்கு முக்கியத்துவம் வாய்ந்த நடவடிக்கையாக பார்க்கப்படுகிறது.
இதையும் படிங்க: மு.க ஸ்டாலின் தேர்தல் தோல்விக்கு எதிரான வழக்கு.. பரபரப்பு தகவல்கள்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
