Vijay Vs RahulGandhi : தமிழக சட்டப்பேரவையில் காங்கிரஸ்– தமிழக வெற்றிக் கழகம் இடையே பிளவு உருவாகும் சூழ்நிலை அதிகரித்துள்ளது.
Vijay Vs RahulGandhi : தமிழக சட்டப்பேரவையில் காங்கிரஸ்– தமிழக வெற்றிக் கழகம் இடையே பிளவு உருவாகும் சூழ்நிலை அதிகரித்துள்ளது.
Published on: August 31, 2026 at 4:21 pm
Updated on: August 31, 2026 at 4:22 pm
சென்னை, ஆக.31, 2026: தமிழ்நாடு சட்டப்பேரவையில் காங்கிரஸ்– தமிழக வெற்றிக் கழகம் இடையே பிளவு உருவாகும் சூழ்நிலை அதிகரித்துள்ளது. தமிழக முதலமைச்சர் விஜய் பிரதமர் வேட்பாளர் என தமிழக வெற்றிக் கழக அமைச்சர்கள் வலியுறுத்தியதால், காங்கிரஸ் அதிருப்தி தெரிவித்துள்ளது. இதே நேரத்தில், சட்டப்பேரவையில் காங்கிரஸ் எம்.எல்.ஏ.வின் இருக்கை மாற்றம் பிளவு வதந்திக்கு மேலும் தீனி போடுகிறது.
தமிழக சட்டப்பேரவையில் காங்கிரஸ் மற்றும் தமிழக வெற்றிக் கழகம் இடையே கூட்டணியில் பதற்றம் அதிகரித்துள்ளது. த.வெ.க தலைவர், முதலமைச்சர் சி. ஜோசப் விஜய்யை பிரதமர் வேட்பாளராக முன்வைக்கும் வகையில் அக்கட்சி அமைச்சர்கள் பேசியதால், காங்கிரஸ் அதிருப்தி தெரிவித்துள்ளது.
இதன் பின்னணியில், காங்கிரஸ் சட்டமன்றக் குழுத் தலைவர் தாரகை கப்பர்ட், தமிழக வெற்றிக் கழக எம்.எல்.ஏ.க்கள் அமரும் பகுதியில் இருந்து எதிர்க்கட்சித் தரப்பின் முன்னிருப்பில் அமர்த்தப்பட்டார்.
இதற்கு முன்னர், சுற்றுலாத்துறை அமைச்சர் எஸ். ராஜேஷ் குமார், “2029 லோக்சபா தேர்தலில் தமிழக வெற்றிக் கழகம், ராகுல் காந்தியை பிரதமர் வேட்பாளராக ஆதரிக்காவிட்டால், காங்கிரஸ் அமைச்சர்கள் ராஜினாமா செய்வார்கள்” என எச்சரித்தார்.
அதே சமயம், தமிழக வெற்றிக் கழக அமைச்சர்கள், “நாட்டின் உயரிய பதவியை தமிழகத்திலிருந்து ஒருவர் வகிக்க வேண்டும்” என வலியுறுத்தினர். தனியார் ஊடக கருத்துக்கணிப்பில், 2029 பிரதமர் வேட்பாளர் பட்டியலில் விஜய் மூன்றாவது இடத்தில் இடம்பெற்றது இந்த விவகாரத்தை மேலும் தீவிரப்படுத்தியது.
பாஜக தேசிய பேச்சாளர் சி.ஆர். கேசவன், “டிவிகே அமைச்சர்கள் தொடர்ந்து விஜய்யை பிரதமர் வேட்பாளராக முன்வைப்பது, ராகுல் காந்தியின் தலைமையை நிராகரிப்பதாகும். காங்கிரஸ் ஏன் இன்னும் தமிழக வெற்றிக் கழக அரசில் தொடர்கிறது? ஆதரவை வாபஸ் பெற வேண்டும்” எனக் கேள்வி எழுப்பினார்.
இந்த ஆண்டு நடைபெற்ற சட்டமன்றத் தேர்தலில், தமிழக வெற்றிக் கழகம் 108 இடங்களை வென்று, முதல்முறையாக ஆட்சியை அமைத்தது. காங்கிரஸ், திமுகவுடன் நீண்டகால கூட்டணியை முறித்து, தமிழக வெற்றிக் கழக அரசுக்கு ஆதரவு அளித்தது. ஆனால், தற்போது பிரதமர் வேட்பாளர் விவகாரம் காரணமாக, காங்கிரஸ்– தமிழக வெற்றிக் கழக உறவில் பிளவு உருவாகும் அபாயம் அதிகரித்துள்ளது.
இதையும் படிங்க : ராகுல் காந்தியை முந்துவாரா விஜய்? பிரதமர் வேட்பாளர் யார்?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
