திமுக கூட்டணியில் இருந்து மதிமுக விலகியது; பரபரப்பு தகவல்கள்!

MDMK Exits DMK alliance : மதிமுக திமுக கூட்டணியில் இருந்து விலகுவதாக அதிகாரப்பூர்வமாக அறிவித்துள்ளது.

திமுக தலைவர் ஸ்டாலினுடன் வைகோ

ByJayakrishnan R

Published on: June 27, 2026 at 2:27 pm

சென்னை, ஜுன் 27 2026: மறுமலர்ச்சி திராவிட முன்னேற்றக் கழகம் (மதிமுக) திமுக கூட்டணியில் இருந்து விலகுவதாக அதிகாரப்பூர்வமாக அறிவித்துள்ளது. 9 ஆண்டுகளாக நீடித்த கூட்டணி இப்போது முறிந்த நிலையில், அடுத்த தேர்தல்களில் புதிய கூட்டணி குறித்து மதிமுக தீர்மானிக்க உள்ளதாக பொதுக்குழு கூட்டத்தில் தீர்மானம் நிறைவேற்றப்பட்டுள்ளது.

தமிழகத்தில் 2026 சட்டப்பேரவைத் தேர்தலுக்குப் பிறகு ஏற்பட்ட அரசியல் மாற்றங்கள் காரணமாக, மதிமுக திமுக தலைமையிலான மதச்சார்பற்ற முன்னேற்ற கூட்டணியில் இருந்து விலகியுள்ளது. பொதுக்குழு கூட்டத்தில் நிறைவேற்றப்பட்ட தீர்மானத்தில், திமுக கூட்டணியில் மதிமுகக்கு உரிய மதிப்பு அளிக்கப்படவில்லை என்றும், கட்சியின் தனித்துவ அடையாளம் பாதிக்கப்பட்டதாகவும் வைகோ தெரிவித்தார்.

மதிமுக, கடந்த தேர்தலில் திமுக சின்னத்தில் நான்கு தொகுதிகளில் போட்டியிட்டு இரண்டு இடங்களில் வெற்றி பெற்றிருந்தது. ஆனால், கூட்டணியில் சிறிய கட்சிகளுக்கு கூடுதல் முக்கியத்துவம் அளிக்கப்பட்டதாகவும், திமுகவின் அரசியல் பேச்சுவார்த்தைகள் மக்களின் ஆணைக்கு முரணானதாக இருந்ததாகவும் வைகோ குற்றம்சாட்டினார். இதனால், கட்சியின் நிர்வாகிகள் மற்றும் உறுப்பினர்கள் பெரும்பான்மையாக கூட்டணியில் இருந்து விலக வேண்டும் எனக் கருத்து தெரிவித்தனர்.

இப்போது மதிமுக, அடுத்த தேர்தல்களில் தமிழக வெற்றி கழகம் உடன் கூட்டணி அமைக்கும் வாய்ப்புகள் குறித்து பரிசீலித்து வருவதாக தகவல்கள் வெளியாகியுள்ளன. திமுக கூட்டணியில் இருந்து விலகிய காங்கிரஸ், விடுதலை சிறுத்தைகள், இந்திய யூனியன் முஸ்லிம் லீக், தமிழக வெற்றிக்கழக போன்ற கட்சிகள் ஏற்கனவே (TVK) அரசுக்கு ஆதரவு அளித்துள்ள நிலையில், மதிமுகவும் அதே பாதையில் செல்லும் வாய்ப்பு அதிகம் என அரசியல் வட்டாரங்கள் மதிப்பிடுகின்றன.

இதையும் படிங்க வெங்கட நாராயணா நியமனம்.. தமிழ் மக்களுக்கு துரோகம்.. நயினார் நாகேந்திரன்