இரட்டை வேடத்தில் சூர்யா.. இன்று மாலை வெளியாகும் கருப்பு.. டைரக்டர் ஆர்.ஜே பாலாஜி!

Karuppu : இன்று (மே 14, 2026) மாலை கருப்பு படம் வெளியாகும் என டைரக்டர் ஆர்.ஜே பாலாஜி தெரிவித்துள்ளார்.

கருப்பு படத்தில் சூர்யா

ByPushpa Gopinath

Published on: May 14, 2026 at 3:24 pm

சென்னை, மே 14, 2026: சூர்யா–திரிஷா நடிப்பில் உருவான ‘கருப்பு’ படம் இன்று (வியாழக்கிழமை) மாலை 6 மணிக்கு வெளியாகும் என்று இயக்குனர் ஆர்ஜே பாலாஜி உறுதிப்படுத்தியுள்ளார்.
காலை மற்றும் மதியம் காட்சிகள் நிதி சிக்கலால் ரத்து செய்யப்பட்டதால் ரசிகர்கள் ஏமாற்றமடைந்த நிலையில், மாலை வெளியீடு உறுதி செய்யப்பட்டதாக அறிவிக்கப்பட்டுள்ளது.

முன்னதாக, இன்று காலை 9 மணி மற்றும் மதியம் காட்சிகள் திடீரென ரத்து செய்யப்பட்டன. அதாவது, தயாரிப்பு நிறுவனத்தின் ₹50 கோடி நிதி சிக்கல் காரணமாக திரையரங்குகள் காட்சிகளை நிறுத்தின.
இந்த நிலையில், ஆர்ஜே பாலாஜி சமூக வலைதளத்தில் வீடியோ வெளியிட்டு ரசிகர்களிடம் மன்னிப்பு கேட்டார்.

அதில், “இது நடக்கக் கூடாது, ஆனால் அனைவரும் உழைத்து வருகின்றனர். மாலை 6 மணிக்கு படம் வெளியாகும்” என்று அவர் உறுதியளித்தார்.
அவரது உணர்ச்சிப்பூர்வமான உரைக்கு ரசிகர்கள் மற்றும் நடிகர் துல்கர் சல்மான் ஆதரவு தெரிவித்தனர்.

இந்தப் படத்தில் சூர்யா, வழக்கறிஞர் சரவணன் மற்றும் கருப்புசாமி என இரட்டை வேடத்தில் நடித்துள்ளார். த்ரிஷா வழக்கறிஞர் ப்ரீதி கதாபாத்திரத்திலும், ஆர்ஜே பாலாஜி வில்லன் பேபி கண்ணன் கதாபாத்திரத்திலும் நடித்துள்ளனர்.
மேலும், இந்தப் படம் கிராமிய பின்னணி, நீதிமன்றம், அதிரடி, சமூக நீதி ஆகியவற்றை இணைத்து உருவாக்கப்பட்டுள்ளது.

இதையும் படிங்க : விஜய்- சங்கீதா முதல் ஹன்சிகா வரை.. 2026ல் ஸ்டார் நட்சத்திரங்கள் பிரிவு!