பாகிஸ்தான் ஆக்கிரமிப்பு காஷ்மீரில் போராட்டம்.. ராணுவம் துப்பாக்கிச் சூடு!

Rangers Fire on PoJK Protesters : பாகிஸ்தான் ஆக்கிரமிப்பு ஜம்மு காஷ்மீரில் போராட்டக்காரர்கள் மீது பாகிஸ்தான் ரேஞ்சர்ஸ் துப்பாக்கிச் சூடு நடத்தினர்; இதில் ஒருவர் உயிரிழந்தார்.

பாகிஸ்தான் ஆக்கிரமிப்பு காஷ்மீரில் போராட்டம்

ByPushpa Gopinath

Published on: July 6, 2026 at 9:07 pm

இஸ்லாமாபாத், ஜூலை 6, 2026: பாகிஸ்தான் ஆக்கிரமிப்பு ஜம்மு காஷ்மீரில் போராட்டக்காரர்கள் மீது பாகிஸ்தான் ரேஞ்சர்ஸ் துப்பாக்கிச் சூடு நடத்தியதில் ஒருவர் உயிரிழந்ததோடு, பலர் காயமடைந்துள்ளனர்.
அடிப்படை உரிமைகள், பொருளாதார நிவாரணம் மற்றும் அரசியல் சுதந்திரம் கோரி நடைபெறும் ஆர்ப்பாட்டங்கள் தொடர்ந்து ஒடுக்கப்பட்டு வரும் நிலையில் இந்தச் சம்பவம் நிகழ்ந்ததால், அப்பகுதியில் பதற்றம் அதிகரித்துள்ளது.

ஊடக அறிக்கைகளின்படி, இஸ்லாமாபாத்திற்கு எதிராக நடைபெறும் போராட்டங்களைத் தொடர்ந்து 600-க்கும் மேற்பட்ட சிவில் உரிமை ஆர்வலர்கள் கைது செய்யப்பட்டுள்ளனர். இது, அப்பகுதியில் மனித உரிமை மீறல்கள் தீவிரமடைந்துள்ளதைக் காட்டுகிறது.

இதற்கிடையில், வெளிநாடுகளில் வசிக்கும் காஷ்மீரிகள், லண்டனில் போராட்டக்காரர்களுக்கு ஆதரவாக ஒரு கூட்டத்தை நடத்தினர். அவர்கள், பாகிஸ்தான் ஆட்சியின் அடக்குமுறைக்கு எதிராக குரல் கொடுத்து, காஷ்மீரில் வாழும் மக்களின் உரிமைகளை பாதுகாக்க வேண்டும் என வலியுறுத்தினர்.

மறுபுறம், பாகிஸ்தானின் கராச்சியில் உள்ள அப்பாஸி ஷஹீத் மருத்துவமனையில் இளநிலை மருத்துவர்கள் போராட்டத்தில் ஈடுபட்டுள்ளனர். உதவித்தொகை, பாதுகாப்பு மற்றும் மருத்துவமனை வசதிகளை மேம்படுத்த வேண்டும் என அவர்கள் கோரிக்கை விடுத்துள்ளனர். கோரிக்கைகள் நிறைவேற்றப்படாவிட்டால் வெளிநோயாளர் சேவைகளை நிறுத்திவிடுவோம் என எச்சரித்துள்ளனர்.

இதையும் படிங்க :பாகிஸ்தானில் பள்ளத்தில் கவிழ்ந்த பேருந்து.. 40 பேர் உயிரிழப்பு!