தாய்லாந்தில் சக்திவாய்ந்த நிலநடுக்கம்; வரிசையாக சரிந்த கட்டிடங்கள்.. மீட்பு பணிகள் தீவிரம்

Earthquake struck central Myanmar and Thailand: தாய்லாந்தில் ஏற்பட்ட திடீர் நிலநடுக்கத்தின் காரணமாக ஏராளமான கட்டிடங்கள் சரிந்து விழுந்தன.

மியான்மர், தாய்லாந்தில் சக்திவாய்ந்த நிலநடுக்கம்

7.7 magnitude earthquake struck central Myanmar and Thailand

ByLeela Sankar

Published on: March 28, 2025 at 4:30 pm

மத்திய மியான்மர் மற்றும் தாய்லாந்து நாட்டில் இன்று மார்ச் 28 வெள்ளிக்கிழமை பயங்கர நிலநடுக்கம் ஏற்பட்டது. இந்த நிலநடுக்கத்தின் காரணமாக நாட்டின் இரண்டாவது பெரிய நகரமான மண்டலியில் பல கட்டிடங்கள் இடிந்து விழுந்தன.

தாய்லாந்தின் தலைநகர் பாங்காக்கிலும் கட்டிடங்கள் குலுங்கின. இது ரிட்டர் அளவுகோலில் 7.7 ஆக பதிவாகியுள்ளது. மேலும் நிலநடுக்கம் 10 கிலோமீட்டர் ஆழத்தில் ஏற்பட்டதாக அமெரிக்க புவியியல் ஆய்வு மையம் தெரிவித்துள்ளது.

இதனைத் தொடர்ந்து 6.4 லிட்டர் அளவிலான சக்தி வாய்ந்த நிலநடுக்கம் ஏற்பட்டது இது மண்டலே நகரத்திலிருந்து சுமார் 17.2 கிலோமீட்டர் தொலைவில் மையம் கொண்டிருந்தது. பல கட்டிடங்கள் சரிந்ததால் ஏராளமானோர் உயிரிழந்திருக்கலாம் என அச்சம் ஏற்பட்டுள்ளது.

நிலநடுக்கம் குறித்து செய்தி வெளியிட்டுள்ள சீனாவின் சின்குவா செய்தி நிறுவனம், மியான்மரின் எல்லையில் உள்ள தென்மேற்கு யுனான் மாகாணத்தில் வலுவான நிலநடுக்கம் உணரப்பட்டதாகவும் ஆனால் உயிரிழப்புகள் குறித்து என்ற எந்த தகவலும் இல்லை எனவும் தெரிவித்துள்ளது.

மேலும், மேற்குவங்கம் மற்றும் இந்தியாவின் மணிப்பூரிலும் நில நடுக்கம் உணரப்பட்டதாக தெரிவிக்கப்பட்டது. 7.3 லிட்டர் அளவிலான நிலநடுக்கத்தை தொடர்ந்து வங்கதேசத்திலும் நிலநடுக்கம் ஏற்பட்டதாக தகவல்கள் வெளியாகி உள்ளன.

இந்த சக்தி வாய்ந்த நிலநடுக்கத்தை தொடர்ந்து தாய்லாந்து நாடு முழுவதும் விமான சேவை நிறுத்தப்பட்டுள்ளது. மேலும் நிலைமையை சமாளிக்க தாய்லாந்து அரசு அவசர நிலையை அறிவித்துள்ளது.

இதையும் படிங்க தென் கொரியாவில் பயங்கர தீ: இதுவரை 24 பேர் உயிரிழப்பு!