Sensex Surges 1,300 Points: அமெரிக்க தேர்தல் எதிரொலியாக இந்திய பங்குச்சந்தையில் அதிரடி ஏற்றம் காணப்படுகிறது. சென்செக்ஸ் 1,300 புள்ளிகள் உயர்வு கண்டுள்ளது.
Sensex Surges 1,300 Points: அமெரிக்க தேர்தல் எதிரொலியாக இந்திய பங்குச்சந்தையில் அதிரடி ஏற்றம் காணப்படுகிறது. சென்செக்ஸ் 1,300 புள்ளிகள் உயர்வு கண்டுள்ளது.
Published on: November 5, 2026 at 2:36 pm
மும்பை, நவ.5, 2026: இந்திய பங்குச்சந்தையில் இன்று (நவம்பர் 5) வர்த்தகம் தொடங்கியதும் சென்செக்ஸ் மற்றும் நிஃப்டி குறியீடுகள் அதிரடியாக உயர்ந்தன. சென்செக்ஸ் 1,364 புள்ளிகளுக்கு மேல் உயர்ந்து 78,666 புள்ளிகளிலும், நிஃப்டி 374 புள்ளிகளுக்கு மேல் உயர்ந்து 24,335 புள்ளிகளிலும் வர்த்தகமானது.
அமெரிக்க இடைக்காலத் தேர்தலில் ஜனநாயகக் கட்சி வெற்றி பெற்று, நாடாளுமன்றத்தின் இரு அவைகளிலும் கட்டுப்பாட்டைப் பெற்றது சர்வதேச சந்தைகளில் கவனம் பெற்றுள்ளது. இதனால் அமெரிக்காவின் கொள்கை முடிவுகள் மற்றும் சர்வதேச வர்த்தகத்தில் ஏற்படக்கூடிய மாற்றங்கள் குறித்து முதலீட்டாளர்கள் கவனம் செலுத்தி வருகின்றனர்.
மேலும், அமெரிக்கா – ஈரான் இடையிலான மோதல் முடிவுக்கு வருவதற்கான வாய்ப்புகள் அதிகரித்துள்ளதாகக் கருதப்படுவதால் கச்சா எண்ணெய் விலை கடுமையாகச் சரிந்துள்ளது. பிரெண்ட் கச்சா எண்ணெய் விலை சுமார் 9 சதவீதம் சரிந்து பீப்பாய் 94 டாலர் அளவை எட்டியது. இதுவும் இந்தியப் பங்குச்சந்தையின் ஏற்றத்துக்கு முக்கிய காரணமாக அமைந்தது.
இண்டிகோ, ஏசியன் பெயிண்ட்ஸ், மாருதி சுசுகி, பஜாஜ் ஃபைனான்ஸ் மற்றும் ஹெச்டிஎஃப்சி வங்கி உள்ளிட்ட நிறுவனங்களின் பங்குகள் கணிசமாக உயர்ந்தன. தொடர்ந்து ஆறாவது நாளாகப் பங்குச்சந்தையில் ஏற்றம் காணப்படுவது முதலீட்டாளர்கள் மத்தியில் நம்பிக்கையை ஏற்படுத்தியுள்ளது.
இதையும் படிங்க : சென்னையில் அதிரடியாக உயர்ந்த தங்கம் விலை.. ஒரே நாளில் சவரனுக்கு ரூ.2,280 அதிகரிப்பு!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
