Tamilisai Soundararajan: திராவிட முன்னேற்றக் கழகத்திற்கும், தமிழக வெற்றி கழகத்திற்கும் இடையே தான் போட்டி என நடிகர் விஜய் கூறியுள்ள நிலையில் நீங்கள் களத்தில் இல்லை என்பதை புரிந்து கொள்ளுங்கள் விஜய் என பதில் அளித்துள்ளார் தமிழிசை சௌந்தரராஜன்.
Tamilisai Soundararajan: திராவிட முன்னேற்றக் கழகத்திற்கும், தமிழக வெற்றி கழகத்திற்கும் இடையே தான் போட்டி என நடிகர் விஜய் கூறியுள்ள நிலையில் நீங்கள் களத்தில் இல்லை என்பதை புரிந்து கொள்ளுங்கள் விஜய் என பதில் அளித்துள்ளார் தமிழிசை சௌந்தரராஜன்.
Published on: March 31, 2025 at 8:04 am
சென்னை மார்ச் 31 2025; பாரதிய ஜனதா கட்சியின் மூத்த தலைவரும் முன்னாள் ஆளுநருமான தமிழிசை சௌந்தர்ராஜன் சென்னையில் நேற்று (மார்ச் 30 2025) செய்தியாளர்களை சந்தித்தார். அப்போது, “படத்திற்கு பழமொழி வேண்டும்; ஆனால் படிக்க பழமொழி வேண்டாமா? எனவும் நடிகர் விஜய்க்கு தமிழிசை சௌந்தரராஜன் கேள்வி எழுப்பினார்.
நடிகர் விஜய் குறித்து தமிழிசை சௌந்தர்ராஜன் மேலும் பேசுவையில், “நடிகர் விஜய் மிகவும் தெளிவற்ற நிலையில் உள்ளார். முதலில் நீங்கள் சாலிகிராமத்தில் தான் குடியிருந்து வந்தீர்கள். உங்களது வாழ்க்கை விரிவடைந்த நிலையில் நீங்கள் பனையூருக்கு மாறி விட்டீர்கள்.
நீங்கள் உங்கள் வாழ்க்கை விரிவடைந்த நிலையில் பனையூருக்கு சென்று உள்ளீர்கள். அதே போல் தான் மீனம்பாக்கம் விமான நிலையம் விரிவடைய பரந்தூருக்கு செல்கிறார்கள். நீங்கள் சிலவற்றை தெளிவாக புரிந்து கொண்டு பேச வேண்டும்” என்றார். முன்னதாக திராவிட முன்னேற்றக் கழகத்திற்கும் தமிழக வெற்றி கழகத்திற்கும் இடையே தான் போட்டி என்கிறார் விஜய் என செய்தியாளர்கள் கேள்வி எழுப்பினார்கள்.
இதையும் படிங்க: திமுகவுக்கு போட்டியாக யாரும் இல்லை.. கனிமொழி ஓபன் டாக்!
இதற்கு பதில் அளித்த தமிழிசை சௌந்தர்ராஜன், ” திராவிட முன்னேற்றக் கழகத்திற்கும் தமிழக வெற்றி கழகத்திற்கும் இடையே தான் போட்டி என்பது எதுகை மோனைக்கு வேண்டுமானால் நன்றாக இருக்கலாம்.
ஆனால் நீங்கள் எதிரில் இல்லை என்பதை முதலில் புரிந்து கொள்ளுங்கள். மறைந்த முதல்வர்களான ஜெயலலிதா, புரட்சித்தலைவர் எம்ஜிஆர் ஆகியோர் கட்சியின் அடிப்படை பொறுப்பில் இருந்து மக்கள் பணியாற்றி அதன் பின்னர்தான் முதல்வர் ஆனார்கள்.
ஆகவே நீங்களே ஏதாவது கற்பனை செய்து கொள்ளாதீர்கள். முதலில் நீங்கள் திராவிட முன்னேற்றக் கழகத்திற்கு மீதான எதிர்ப்பை தீவிரபடுத்துங்கள். மாறாக சினிமா போன்று ஒரு எதிர்ப்பு சீன் வைத்துக் கொள்ளலாம், ஒரு பாட்டு சீன் வைத்துக் கொள்ளலாம், ஒரு சண்டை சீல் வைத்துக் கொள்ளலாம் என்பது போல் இருக்காதீர்கள்” என்றார்.
மேலும் உங்கள் படத்திற்கு பழமொழி தேவைப்படுவது போல் நம்மூர் குழந்தைகளுக்கும் இணைப்பு மொழி தேவைப்படுகிறது என்பதை நீங்கள் புரிந்து கொள்ளுங்கள் என்றும் தமிழிசை சௌந்தரராஜன் கூறினார்.
இதையும் படிங்க: ‘2026 இல் மு க ஸ்டாலின் முதல்வராக வருவார்’: அமைச்சர் கே.என் நேரு!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
