தமிழக பாஜக மாநிலத் தலைவர் மாற்றப்படுகிறா? புதிய தலைவர் யார்? பரபரப்பு தகவல்கள்!

Annamalai: தமிழ்நாடு பாரதிய ஜனதா கட்சியின் மாநில தலைவர் கு.அண்ணாமலை விரைவில் மாற்றப்படலாம் என செய்திகள் வெளியாகி வருகின்றன.

பாஜக தலைவர் அண்ணாமலை

BySaranya JK

Published on: April 1, 2025 at 10:32 pm

சென்னை, ஏப்ரல் 1.2025: தமிழ்நாடு பாரதிய ஜனதா கட்சியின் மாநில தலைவராக இருப்பவர் கு அண்ணாமலை. முன்னாள் ஐபிஎஸ் அதிகாரியான இவர், அதிரடி அரசியலுக்கு பெயர் பெற்றவர். தமிழ்நாட்டின் பாரதிய ஜனதா கட்சியின் வளர்ச்சிக்கு பல்வேறு நடவடிக்கைகளை எடுத்தார் என அக்கட்சியினரால் போற்றப்படுபவர்.

இவர் ஆரம்ப முதலே அதிமுக உடனான கூட்டணிக்கு எதிர்ப்பு தெரிவித்து வருகிறார். மேலும், முன்னாள் முதலமைச்சரும் தற்போதைய அதிமுக பொதுச் செயலாளர் எடப்பாடி பழனிச்சாமி உடன் இவருக்கு சுமுகமான அரசியல் உறவு இல்லை.

இதனைச் செய்தியாளர் சந்திப்பின் போது வெளிப்படையாகவும் சில நேரங்களில் பேசி விடுகிறார். இந்த நிலையில் தமிழ்நாடு பாரதிய ஜனதா கட்சியின் மாநில தலைவர் பதவியில் இருந்து அண்ணாமலை நீக்கப்படலாம் என செய்திகள் வெளியாகி வருகின்றன.

யார் அடுத்த தலைவர்?

பாரதிய ஜனதா கட்சியை பொருத்தமட்டில் கட்சியின் தலைவர் பதவி என்பது சுழற்சி முறையில் வழங்கப்படும். அதாவது ஒவ்வொரு நான்கு ஆண்டுகளுக்கு பின்னரும் தலைவர் மீண்டும் தேர்ந்தெடுக்கப்படுவார்.

அப்போது சில நேரங்களில் புதியவருக்கோ அல்லது மற்றவருக்கோ இந்த கட்சியின் தலைவர் என்ற பொறுப்பு வழங்கப்படும். இந்த நிலையில், அண்ணாமலை மாற்றப்படலாம் என செய்திகள் வெளியாகி வருகின்றன.

அந்தச் செய்திகளில் அண்ணாமலை தலைவர் பதவியில் இருந்து நீக்கப்படும் பட்சத்தில், அந்தப் பதவிக்கு பாஜக எம்எல்ஏ நைனார் நாகேந்திரன் தேர்ந்தெடுக்கப்படலாம் என்றும் கூறப்படுகிறது. திருநெல்வேலி பாரதிய ஜனதா கட்சியின் எம்எல்ஏவான நைனார் நாகேந்திரன், நடந்து முடிந்த பாராளுமன்ற தேர்தலில் திருநெல்வேலி தொகுதியில் போட்டியிட்டு இரண்டாம் இடம் பிடித்தார் என்பது குறிப்பிடத்தக்கது.

இதையும் படிங்க; நீங்கள் எதிரில் இல்லை; முதலில் இதை புரிந்து கொள்ளுங்கள்.. விஜய்க்கு தமிழிசை அட்வைஸ்!