ஊரக உள்ளாட்சித் தேர்தல் தாமதம்: ரூ.1,500 கோடிக்கு மேல் மத்திய அரசு நிதி முடக்கம்!

Rural Local Body Election Delay: ஊரக உள்ளாட்சித் தேர்தல் தாமதம் காரணமாக, ரூ.1,500 கோடிக்கு மேல் மத்திய அரசு நிதி முடப்பட்டிருப்பதாக தகவல் வெளியாகியுள்ளது.

தேர்தல் வாக்குப்பதிவு

BySaranya JK

Published on: November 15, 2026 at 11:39 am

சென்னை, நவ.15, 2026: தமிழ்நாட்டில் ஊரக உள்ளாட்சித் தேர்தல்கள் நடத்தப்படாததால், மத்திய அரசிடமிருந்து கிடைக்க வேண்டிய ரூ.1,500 கோடிக்கும் அதிகமான நிதி விடுவிக்கப்படாமல் நிலுவையில் உள்ளது. இதனால் கிராமப்புறங்களில் அடிப்படை வசதிகள் மற்றும் உள்கட்டமைப்பு மேம்பாட்டுப் பணிகள் பாதிக்கப்பட்டுள்ளன.

மாநிலத்தின் 28 மாவட்டங்களில் உள்ள ஊரக உள்ளாட்சி அமைப்புகளுக்கான பதவிக்காலம் முடிவடைந்த நிலையில், 2025 ஜனவரி 5 முதல் நிதி நிலுவையில் உள்ளது. அண்மையில் 15-வது நிதிக்குழு மானியத்தின் இரண்டாவது தவணையாக ரூ.127.586 கோடியை மத்திய அரசு விடுவித்தது. இந்த நிதி தகுதியுள்ள 9 மாவட்ட ஊராட்சிகள், 74 ஊராட்சி ஒன்றியங்கள் மற்றும் 2,901 கிராம ஊராட்சிகளுக்கு மட்டுமே ஒதுக்கப்பட்டுள்ளது.

முந்தைய திமுக ஆட்சியில் வார்டு மறுவரையறை மற்றும் நிர்வாக மறுசீரமைப்பைக் காரணம் காட்டி உள்ளாட்சித் தேர்தல்கள் ஒத்திவைக்கப்பட்டன. தற்போதைய தமிழக வெற்றிக் கழக ஆட்சியிலும் தேர்தல் நடத்துவதில் குறிப்பிடத்தக்க முன்னேற்றம் ஏற்படவில்லை. மக்கள்தொகைக் கணக்கெடுப்பு மற்றும் வார்டு மறுவரையறைப் பணிகளைக் காரணம் காட்டி, 240 நாட்களுக்குப் பிறகு தேர்தல் நடத்தப்படும் என சென்னை உயர் நீதிமன்றத்தில் தமிழக அரசு தெரிவித்துள்ளது.

தேர்ந்தெடுக்கப்பட்ட உள்ளாட்சிப் பிரதிநிதிகள் இல்லாததால் மத்திய நிதியைப் பெறுவதில் சிக்கல் நீடிக்கிறது. இதனால் கிராமப்புறங்களின் அடிப்படைத் தேவைகளுக்குத் தமிழக அரசே நிதி ஒதுக்க வேண்டிய சூழல் உருவாகியுள்ளது. உள்ளாட்சித் தேர்தல்களை விரைந்து நடத்தி, நிலுவை நிதியைப் பெறுவதே இந்தப் பிரச்சினைக்கான முக்கியத் தீர்வாகக் கருதப்படுகிறது.

இதையும் படிங்க : தி.மு.க.வுக்கு எங்கள் மீது ஏன் வன்மம்? அமைச்சர் வன்னி அரசு