Minister Sakkarapani: தமிழக முதலமைச்சர் மு க ஸ்டாலின் பொற்கால ஆட்சி நடத்துகிறார் என அமைச்சர் சக்கரபாணி தெரிவித்துள்ளார்.
Minister Sakkarapani: தமிழக முதலமைச்சர் மு க ஸ்டாலின் பொற்கால ஆட்சி நடத்துகிறார் என அமைச்சர் சக்கரபாணி தெரிவித்துள்ளார்.
Published on: March 29, 2025 at 3:46 pm
சென்னை மார்ச் 29 2025: நடிகர் விஜய் தமிழக வெற்றி கழகம் என்ற கட்சியை தொடங்கி நடத்தி வருகிறார்; இந்தக் கட்சியின் முதலாம் ஆண்டு பொதுக்குழு வெள்ளிக்கிழமை (மார்ச் 28 2025) சென்னையில் நடைபெற்றது. இந்தப் பொதுக்குழுவில் நடிகர் விஜய், மத்திய மாநில அரசுகளை விமர்சித்து பேசினார்.
அதிலும் குறிப்பாக திமுகவை இம்முறை நேரடியாக தாக்கி பேசினார். மக்களைப் பார்த்து ஒரு குடும்பம் வாழ வேண்டுமா? அல்லது ஒவ்வொரு குடும்பமும் வாழ வேண்டுமா என கேள்வி எழுப்பினார்.
தொடர்ந்து தமக்கு பல்வேறு தடைகள் வருவதாக கூறிய நடிகர் விஜய் அந்த தடைகளை உடைத்து முன்னேறிச் செல்ல வேண்டும் எனவும் கூறினார்.
இந்த நிலையில் சட்டத்தை மதிக்க வேண்டும் என்ற காரணத்திற்காக தாம் அமைதியாக இருப்பதாகவும் நடிகர் விஜய் கூறினார். தொடர்ந்து முத்துவேல் கருணாநிதி ஸ்டாலின் என பெயரை மட்டும் வீராப்பாக சொன்னால் போதுமா முதலமைச்சர் அவர்களே என கேள்வி எழுப்பிய நடிகர் விஜய் நீங்கள் மன்னராட்சி போல் செயல்படுகிறீர்கள்; கேள்வி கேட்டால் கோபம் வருகிறது.
உங்களது ஆட்சிக்கு பொதுமக்கள் பெண்கள் முடிவு கட்டப் போகிறார்கள் என கூறினார். மேலும் தமிழ்நாடு பிளவுவாத சக்திகளுக்கு எதிரான மண் எனக் கூறி மத்திய பாஜக அரசையும் நடிகர் விஜய் கடுமையாக விமர்சித்தார். அப்போது இது பலருக்கு தண்ணி காட்டிய தமிழ்நாடு; தமிழ்நாட்டிடம் விளையாடாதீர்கள்” என்றார்.
மேலும் நடிகர் விஜய் தனது பேச்சை முடிக்கும் போது தமிழ்நாட்டில் தமிழக வெற்றி கழகம் மற்றும் திராவிட முன்னேற்றக் கழகம் இடையே தான் போட்டி என்றார். இந்தக் கேள்விக்கு அமைச்சர் சக்கரபாணி இன்று ( மார்ச் 29 2025) சென்னையில் பதிலளித்தார்.
இது தொடர்பாக செய்தியாளர்கள் கேட்ட கேள்விக்கு பதில் அளித்த அமைச்சர் சக்கரபாணி, ” முதலமைச்சர் மு க ஸ்டாலினை பொருத்தவரை தேர்தல் நேரத்தில் கொடுக்காத வாக்குறுதிகளை கூட நிறைவேற்றி பொற்கால ஆட்சியை நடத்திக் கொண்டிருக்கிறார்.
இந்திய முதல்வர்களுக்கு முதல்வராக செயல்பட்டு கொண்டிருக்கிறார். யார் எது வேண்டுமானாலும் பேசி விட்டு போகலாம்; ஆனால் 2026 சட்டமன்றத் தேர்தலில் திராவிட முன்னேற்றக் கழகம் 234 தொகுதிகளிலும் வெற்றி பெற வாய்ப்பு உள்ளது” என்றார்.
இதையும் படிங்க; ஜூன் 2 ஆம் தேதி இளையராஜாவுக்கு பாராட்டு விழா.. முதலமைச்சர் மு.க ஸ்டாலின் அறிவிப்பு!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
