TVKவுடன் கூட்டணி அமைக்கும் வாய்ப்பை பயன்படுத்தவில்லை.. எஸ்.பி வேலுமணி!

SP Velumani : தமிழக வெற்றி கழகத்துடன் கூட்டணி அமைக்கும் வாய்ப்பை எடப்பாடி பழனிச்சாமி பயன்படுத்தவில்லை என எஸ்பி வேலுமணி, நத்தம் விஸ்வநாதன் ஆகியோர் கூட்டறிக்கை வெளியிட்டுள்ளனர்.

எஸ்பி வேலுமணி

ByJayakrishnan R

Published on: August 9, 2026 at 3:19 pm

சென்னை ஆகஸ்ட் 9 2026; அதிமுகவின் மூத்த தலைவர்களான எஸ்.பி. வேலுமணி மற்றும் நத்தம் விஸ்வநாதன் இணைந்து வெளியிட்ட கூட்டறிக்கையில், 2026 சட்டப்பேரவை தேர்தலுக்கு முன்பு எடப்பாடி பழனிச்சாமி மிகப்பெரிய கூட்டணி அமைப்போம் என கூறியிருந்தார். ஆனால், தேர்தல் முடிவுகள் வெளிவந்தபோது அந்த வாக்குறுதி நிறைவேறவில்லை என அவர்கள் குற்றம் சாட்டினர். குறிப்பாக, நம்மை தேடி வந்த தேசிய முற்போக்கு திராவிட கழகம் மற்றும் புதிய தமிழகம் போன்ற கட்சிகளை தன்னிச்சையாக வெளியேற்றியதால், அதிமுக தோல்வியைத் தழுவியது என அவர்கள் தெரிவித்துள்ளனர்.

2026 சட்டப்பேரவை தேர்தலில் ஆளுங்கட்சியான திமுக எதிர்பாராத முறையில் தோல்வியடைந்தது. அதிமுக, எதிர்க்கட்சியாக இருந்தபோதும், மூன்றாம் இடத்திற்கு தள்ளப்பட்டது. இது, அதிமுகவின் கூட்டணி அரசியல் மற்றும் தேர்தல் முன் எடுத்த முடிவுகள் தவறானவை என்பதற்கான சான்றாகவே பார்க்கப்படுகிறது.

இந்த தேர்தலில் மிகப்பெரிய அதிர்ச்சியை ஏற்படுத்தியவர் நடிகர் விஜய். அவரது “தமிழக வெற்றி கழகம்” 108 தொகுதிகளில் வெற்றி பெற்று, தனிப்பெரும் கட்சியாக திகழ்ந்தது. இதன் மூலம், தமிழக அரசியலில் புதிய சக்தி உருவாகியுள்ளது.

விஜயின் கட்சிக்கு காங்கிரஸ், இடதுசாரிகள் (இந்திய கம்யூனிஸ்ட் மற்றும் மார்க்சிஸ்ட்), விடுதலைச் சிறுத்தைகள், இந்திய யூனியன் முஸ்லிம் லீக் (IUML) உள்ளிட்ட பல்வேறு கட்சிகள் ஆதரவு வழங்கியுள்ளன. இந்த கூட்டணி, தேர்தல் முடிவுகளில் முக்கிய பங்காற்றியது.

இதனால், தமிழக அரசியலில் புதிய சமநிலை உருவாகியுள்ளது. திமுகவின் தோல்வி, அதிமுகவின் வீழ்ச்சி, விஜயின் தமிழக வெற்றி கழகத்தின் எழுச்சி ஆகியவை, அடுத்த ஐந்து ஆண்டுகளில் மாநில அரசியலை முற்றிலும் மாற்றக்கூடியதாக இருக்கின்றன. கூட்டணி அரசியல், கட்சிகளின் நிலைப்பாடு, மக்கள் ஆதரவு ஆகியவை, தமிழகத்தின் எதிர்கால அரசியல் பாதையை தீர்மானிக்கப்போகின்றன.

இதையும் படிங்க; ‘பாஜகவுடன் நட்பு பாராட்டுகிறதா திமுக’.. திமுக முன்னாள் எம்பி கனிமொழி அதிரடி பதில்!