Tamilnadu Assembly Session : “டாஸ்மாக் ஊழலில் அமலாக்கத்துறை விரிவான அறிக்கையை வெளியிட்டுள்ளது. திமுக ஆட்சியிலேயே ஊழல் குறித்த ஆதாரங்கள் உள்ளன” என அமைச்சர் அருண் ராஜ் கூறினார்.
Tamilnadu Assembly Session : “டாஸ்மாக் ஊழலில் அமலாக்கத்துறை விரிவான அறிக்கையை வெளியிட்டுள்ளது. திமுக ஆட்சியிலேயே ஊழல் குறித்த ஆதாரங்கள் உள்ளன” என அமைச்சர் அருண் ராஜ் கூறினார்.
Published on: August 7, 2026 at 5:40 pm
சென்னை, ஆக.7, 2026: தமிழக சட்டப்பேரவையில் டாஸ்மாக் மற்றும் லாட்டரி விவகாரம் தொடர்பாக கடுமையான கருத்து மோதல் ஏற்பட்டது. பாமக உறுப்பினர் கணேஷ் மதுவிலக்கு குறித்து கேள்வி எழுப்பியதற்கு பதிலளித்த மதுவிலக்குத்துறை அமைச்சர் விக்னேஷ், “ஆன்லைனில் மது விற்பனை கிடையாது; இது வெறும் பணமில்லா பரிவர்த்தனை மட்டுமே. நுகர்வோர் விரும்பும் வகையில் மது வாங்கும் வசதி அளிக்கப்படுகிறது. மது விற்பனையால் வருமானம் அதிகரிப்பதில் எங்களுக்கு மகிழ்ச்சி இல்லை; ஊழல் காரணமாகவே வருமானம் அதிகமாகிறது” என்று கூறினார்.
இதனைத் தொடர்ந்து திமுக கொறடா எ.வ வேலு, அமைச்சர்கள் செங்கோட்டையன், அருண்ராஜ், ஆதவ் அர்ஜுனா மற்றும் எதிர்க்கட்சித் தலைவர் உதயநிதி ஸ்டாலின் ஆகியோர் மாறி மாறி கருத்துகளை பரிமாறினர். எ.வ வேலு, “717 டாஸ்மாக்குகள் குறைக்கப்பட்டதாக கூறுகிறார்கள்; ஆனால் எங்கே குறைக்கப்பட்டது என்ற தகவல் இல்லை” என்று சுட்டிக்காட்ட, செங்கோட்டையன், “மதுக்கடைகளை முதலில் கொண்டு வந்தவர்கள் யார் என்று நாடே அறியும்” என்று பதிலளித்தார்.
அருண்ராஜ், “டாஸ்மாக் ஊழலில் அமலாக்கத்துறை விரிவான அறிக்கையை வெளியிட்டுள்ளது. திமுக ஆட்சியிலேயே ஊழல் குறித்த ஆதாரங்கள் உள்ளன” என்று குற்றம் சாட்டினார். அதனைத் தொடர்ந்து ஆதவ் அர்ஜுனா, “மதுவிலக்கு எங்கள் கொள்கை. ஆனால் திமுகவின் பல முக்கிய தலைவர்கள் சாராய ஆலை நடத்துகிறார்கள். இதற்கு மேல் என்ன ஆதாரம் வேண்டும்? மேலும், லாட்டரி நிறுவனத்திலிருந்து 900 கோடி ரூபாய் திமுக பெற்றுள்ளது” என்று தாக்கினார்.
உடனே உதயநிதி ஸ்டாலின், “லாட்டரி நிறுவனத்திடம் திமுக பணம் பெற்றதாக கூறுகிறார் ஆதவ் அர்ஜுனா. ஆனால் பணம் கொடுத்ததே அவரது மாமனார் தான்” என்று பதிலளித்தார். அதற்கு அர்ஜுனா, “எனக்கு தெரியாது; உங்கள் அப்பாவிற்கு தான் தெரியும்” என்று கூறியதால் அவையில் பரபரப்பு நிலவியது.
மொத்தத்தில், டாஸ்மாக் மற்றும் லாட்டரி விவகாரம் குறித்த விவாதம், ஊழல் குற்றச்சாட்டுகள், மதுவிலக்கு கொள்கை, மற்றும் அரசியல் குற்றச்சாட்டுகள் என பல்வேறு கோணங்களில் தீவிரமாக நடந்தது.
இதையும் படிங்க : மதுரையில் பால் உற்பத்தி பாதிப்பு.. கடும் வெயில் காரணமா?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
